بانكيك سهل فى 5 دقائق

اليكم طريقة عمل البانكيك فى 5 دقائق – يحبه الصغار والكبار ساخنا ولذيذا على الفطار

المقادير

  • كوب دقيق
  • 3 معالق كبيرة سكر
  • 1/4 معلقة صغيرة بيكربونات
  • ذرة ملح
  • كوب حليب او ماء او نصف ونصف
  • بيضة
  • 50جم زبدة سايحة او زيت

الطريقة

  • نقلب الدقيق والسكر والبيكربونات والملح مع بعض فى طبق كبير غويط
  • نصب عليهم الحليب والبيضة والزبدة السايحة او الزيت
  • نقلب الكل باستخدام مضرب بيض يدوى حتى يصبح الخليط ناعما
  • نسخن طاسة تيفال مسطحة على نار هادية ونمسحها بمنديل مبلول بقطرات زيت ثم نصب كمية صغيرة من العجين السائل فى منتصف الطاسة – حنلاقيه فرش لوحده ووصل الى اطرافها
  • نحرك الطاسة فى ايدنا حركة دائرية عشان العجينة تملأ الطاسة
  • عندما تظهر فقاقيع فى الوجه نقلبها على الوجه الاخر الى ان يصبح لونها وردى
  • نضع البانكيك فى طبق ونصب عليه معلقة عسل نحل – حلقات موز – شيكولاتة سايحة او نيوتيللا – حلقات فراولة – أو أى اضافات نحبها
  • ممكن نعمل البانكيك طبقة واحدة ونثنيه على بعضه وناكله مثل الكريب – او ممكن نعمله طبقات فوق بعض بين كل طبقة اضافة مختلفة – وبعدين نقطعهم بالسكين انصاف او ارباع حسب حجم البانكيك
  • تؤكل ساخنة – او ممكن نعمل كتير بدون اضافات ولما تبرد نشيلهم فى الفريزر جاهزين على التسخين واضافة ما نحب عليهم

بالهنا والشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *