احفظ بسهولة كلمات منهج الانجليزى فرنسى المانى ايطالى اسبانى

حفظ الكلمات شئ ضرورى عند دراسة أى لغة أجنبية – واذا كان عندكم موبايل اندرويد فانا لقيت لكم برنامج هايل يساعدكم على حفظ كلمات منهج الانجليزى او الفرنسى – الالمانى – الايطالى – الاسبانى ولغات أخرى كثيرة – مش بس كدة – دة كمان حيعلمكم النطق السليم لكل كلمة

مش بس الكلمات – البرنامج ممكن يقرأ لكم مثلا القصة المقررة عليكم – فقرة فقرة – يقرأ لكم نصوص الاستماع والقراءة من كتاب الوزارة – يقرأ لكم أسئلة وأجوبتها – بلغة أمريكية سليمة وواضحة – يعنى مش بس يساعكم على حفظ الكلمات – دة ممكن يكون وسيلة مذاكرة وتذكر لأى معلومات فى أى مادة أو موضوع

البرنامج بعد تنزيله من متجر جوجل Google Play حتلاقوه فاضى من غير كلمات – ممكن اما انك تكتب بنفسك قائمة الكلمات اللى محتاج تحفظها فى كل درس او فصل – او تستخدم قائمة كلمات جاهزة حد كونها بالفعل – زى ما تحتلاقوا هنا باذن الله عشان اوفر لكم وقتكم

انا حاحط لكم هنا ملف عبارة عن قاعدة بيانات لما تنزلوها على موبايلكم او التابلت بتاعكم حيبقى كدة البرنامج به كل قوائم الكلمات الجاهزة اللى اعددتها لكم والخاصة بمنهج اللغة الانجليزية واللغات الأخرى

المشاركة والتعاون ميزة كبيرة موجودة فى البرنامج دة – بمعنى لو انت كتبت قائمة كلمات عشان ابنك او بنتك – او لو انت طالبة وكتبت قائمة كلمات لنفسك – ممكن تكسب ثواب كبير بانك تتيح القائمة دى لكل الطلبة والطالبات من خلال الصفحة دى – وبكدة ومن خلال تعاوننا مع بعض نقدر باذن الله نغطى كل مناهج جميع اللغات من حضانة وحتى الجامعة

مساعدتكم لى مطلوبة

طبعا انا لوجدى صعب أغطى مناهج جميع السنوات الدراسية – عشان كدة ياريت لو أى حد عنده وقت يتطوع ويساعدنى فى خدمة احبائنا الطلبة – كل المطلوب هو كتابة الكلمات عادى خالص فى تعليق بالاسفل

  • اختار منهج أى سنة دراسية واختار الترم واختار الوحدة او الفصل
  • أى كتاب خارجى حتلاقيه فى كل Unit بيبدأ بقائمة الكلمات الجديدة Vocabulary
  • انقل الكلمات هنا فى تعليق – كل كلمة فى سطر لوحدها – اكتب الكلمة الاجنبية الاول وبعدين فصلة وبعدين معناها بالعربى فى نفس السطر – مهم قوى نكتب فصلة بينهم – ثم الكلمة التالية ومعناها فى السطر التالى وهكذا – كل كلمة اجنبية فى سطر لوحده – وياريت نكتب فوق فى بداية التعليق: الكلمات دى من منهج سنة كذا ترم كذا درس رقم كذا

مثال للى ممكن تكتبه فى تعليقك:

prep2-term1-unit1

book,كتاب
door,باب
window,شباك
father,أب
mother,أم
brother,أخ
sister,أخت

(لاحظوا اننا لازم نكتب الكلمة الاجنبية فى الاول ويليها المعنى بالعربى – هما هنا ظاهرين بالعكس عشان الموقع بيقلب الترتيب – لكن انا لما انقلها للبرنامج بتتعدل)

وهكذا – ممكن تكتبوا أى عدد من الكلمات – ويفضل ان تشمل القائمة كل كلمات الدرس او الوحدة – او الفصل اذا كانت قصة

السادة المدرسين وأولياء الأمور أو الطلاب اللى يحبوا يشاركوا ويعملوا قوائم كلمات أو يحبوا يحولوا أى مذكرة أو كتاب الى شكل جديد صوتى – ستجدون شرح أكثر تفصيلا مناسب للاعمال الكبيرة بطريقة مختصرة جدا توفر الوقت والمجهود – الشرح المفصل تجدونه بالضغط هنا

بعد كدة انا سأضيف كلماتكم وقوائمكم لقاعدة بيانات البرنامج بحيث يبقى الملف جاهز لأى طالب ينزله من هنا على جهازه الاندرويد ويذاكر منه بواسطة البرنامج

البرنامج اسمه ClevWord – اضغط على اسم البرنامج او صورته لتنزيله على موبايلك

الجميل فى البرنامج دة انه قادر على نطق جميع الكلمات بأى لغة تختارها: انجليزى – ايطالى – المانى – فرنسى – اسبانى الخ – لازم تكون متصل بالنت اول مرة تسمع الكلمات – وبعد كدة هو بيخزنها على الموبايل وممكن تسمع الكلمات بدون نت

…..

ملحوظة :

عشان تستمع للكلمات بصوت طبيعى انصحك بتنزيل Google text-to speech لو كان مش موجود على موبايلك – وبعدين ادخل على الاعدادات ثم اللغة ثم text-to-speech output واختار Google text-to-speech وتقدر تغير سرعة الكلام عشان تفهم احسن بانك تدوس على speech rate وتجرب السرعة بانك تدوس على listen to an example وتكرر الخطوتين لغاية ما تضبطه على السرعة المريحة لك

………..

لما تفتح تطبيق ClevWord اول حاجة بتختار قائمة الكلمات اللى عاوز تحفظها – وبعد ما القائمة تتفتح لك حتلاقى كل كلمة امامها رقم بالترتيب – لو القائمة طويلة ممكن تدوس على ارقام  بعض الكلمات بس اللى عايز تحفظها دلوقتى – يعنى تقسمهم بحيث تحفظ مثلا 5 كلمات فى كل مرة – وبعد ما تختارهم دوس فوق على رقم الكلمات الكلى حتلاقى القائمة بقت تحتوى بس على الكلمات اللى انت دوست على ارقامها

بعد كدة عندك كذا طريقة لمساعدتك على الحفظ

تقدر تدوس على الكلمة فيظهر معناها بالعربى – او تظر المعانى فقط بدون الكلمات وتخمن الكلمة الاول شفوى او تكتبها فى كراستك – وبعدين تدوس على المعنى لتظهر لك الكلمة الصح

تقدر تخفى الكلمات وتظهر معانيهم فقط – او العكس تظهر الكلمات فقط بدون معانيهم – وكل مرة تدوس على كلمة يظهر لك معناها والعكس

وتقدر تختار Listen وتختار اللغة – وبعد كدة أى كلمة تدوس عليها حتسمع نطقها بصوت واضح وسليم بواسطة واحدة لغتها الاصلية هى اللغة اللى المقررة عليك

وكمان توجد ميزة هايلة فى التطبيق دة وهى ميزة التكرار – وهى مفيدة جدا للاطفال عشان يحفظوا بسرعة بطريقة تكرار الاستماع لنفس الكلمة مرات متعددة :
لما تختار Listen دوس على السهم اللى فوق – حيتفتح لك شباك تختار منه اللغة وتختار عدد مرات تكرار الكلمة Word repetition تقدر تختار لحد 5 مرات وكمان تقدر تختار عدد مرات تكرار الصفحة page repetition

يعنى لو عايزها تقرأ لك الكلمات بصفة متواصلة دوس على السهم اللى فوق وحدد عدد مرات الكلمة وعدد مرات اعادة الصفحة – كتر التكرار حيساعدك على تذكر الكلمة وقراءتها ونطقها كما ينطقها أهلها بالظبط – ودة مهم جدا لاى طالب لان بصراحة أغلب مدرسينا نطقهم غير سليم للأسف الشديد – وبيعلموا الطلبة ينطقوا غلط بلهجة أما صعيدى او فلاحى – عشان كدة البرنامج دة هايل هايل لكل اللى عايز يتعلم الكلمات صح وينطقها صح

اليكم ملف قاعدة بيانات الكلمات اللى اعددتها لكم حتى الآن – وسأضم لها تباعاً أى قوائم كلمات جديدة سواءا اللى سأعدها لكم بنفسى او اللى يتطوع أى حد ويكتبها لى فى التعليقات

طريقة نقل قاعدة البيانات على جهازكم الاندرويد لأول مرة

  • فى هذه الطريقة يجب ان يكون لديك حساب فى جوجل – ان كان لديك حساب فى Gmail فانت لديك حساب فى جوجل
  • من الكمبيوتر او اللاب توب اضغط هنا لتصل الى حسابى فى Google Drive – ستجد ملف او اكثر كلهم اسماؤهم بهذا الشكل: worddata_xxxxxx_yyyyyy.db – حيث xxxxxx هى تاريخ الملف و yyyyyy هو اسم الملف – اختار اسم الملف الذى تريده حسب السنة الدراسية واللغة واختار التاريخ الاحدث اذا وحدت اكثر من ملف بنفس الاسم – واضغط عليه بالزر الايمن للماوس واختار Copy to my drive
  • الان اذهب الى حسابك فى درايف بالضغط هنا drive.google.com للتأكد من ان لديك الان نسخة من ملف worddata فى حسابك الشخصى
  • الان افتح برنامج ClevWord فى موبايلك والمس الثلاث نقط – الموجودين اعلى يمين الشاشة – واختار Settings
  • تحت Data Management دوس على Backup or restore ثم  تحت Google Drive دوس على Restore
  • قد يظهر لك شباك صغير لتختار حسابك فى جوجل
  • بعد اختيار حسابك دوس على ملف worddata
  • ستجد الان البرنامج وقد امتلأ بكل قوائم الكلمات والدروس التى انتهيت من اعدادها لكم
  • لا تنسى ان تحدث كل فترة قاعدة البيانات حتى تضيف القوائم والدروس الجديدة – وهى التى سأعلن عنها هنا تباعاً كما هو موضح بالأسفل

طريقة تحديث قاعدة البيانات على جهازكم الاندرويد

هى نفس الطريقة المذكورة فوق – لكن فقط تأكد من نقل احدث نسخة من ملف worddata من حسابى الى حسابك اولا

  • لا تنسى ان تحدث كل فترة قاعدة البيانات حتى تضيف القوائم والدروس الجديدة – وهى التى سأعلن عنها هنا تباعاً كما هو موضح بالأسفل

طريقة أخذ نسخة احتياطية من قاعدة بياناتكم من جهازكم الاندرويد لاعطاءها لصديق او لارسالها لنا لوضعها هنا

  • افتح برنامج ClevWord فى موبايلك والمس الثلاث نقط – الموجودين اعلى يمين الشاشة – واختار Settings
  • تحت Data Management دوس على Backup or restore ثم  تحت Google Drive دوس على Backup
  • سيتم فتح حسابك فى Google Drive يمكنك ان تنشئ مجلد خاص بالبرنامج تسميه مثلا ClevWord اذا اردت
  • ستجد ان البرنامج سمى النسخة الاحتياطية بتاريخ وساعة حفظها – ما عليك سوى ان تدوس على Save

المحتويات الحالية لقاعدة البيانات

فى الوقت الحالى ستجدون ان قاعدة البيانات تحتوى على كل ما نتهيت من اعداده لكم – لكن فيما بعد باذن الله سأقوم بتجميع كل سنة دراسية فى قاعدة بيانات منفصلة

لتنزيل قاعدة بيانات جميع الكلمات المتاحة حتى الآن (متجددة باستمرار) – او تنزيل قاعدة بيانات خاصة بسنة دراسية معينة اضغط هنا:

worddata

آخر تحديث لملف all الشامل: 06-11-2014
لكن يتجد ملفات احدث حيث اننى بدأت بعد هذا التاريخ اعداد قاعدة بيانات منفصلة لكل سنة دراسية على حدة

اللون الأخضر: توجد دروس او قوائم كلمات

اللون الاسود: لا توجد دروس حتى الآن

الترم الاول

  • الصف الاول الابتدائى
  • الصف الثانى الابتدائى
  • الصف الثالث الابتدائى
  • الصف الرابع الابتدائى
  • الصف الخامس الابتدائى
  • الصف السادس الابتدائى
    • Time For English
  • الصف الاول الاعدادى
  • الصف الثانى الاعدادى
  • الصف الثالث الاعدادى
    • Hello English units: 1,2,3,4,5,6,7,8,9
    • Journey to the centre of the earth Chapter: 1,2,3,4,5,6,7,8,9,10
  • الصف الاول الثانوى
  • الصف الثانى الثانوى
  • الصف الثالث الثانوى
    • Hello English  (Vocabulary, Prepositions & Expressions, Language Notes, Listen&Read)
      • Unit 1,2,3,4,5,6,7,8,9,10,11,12
    • The Prisoner Of Zends
      • Introduction
      • Quotations
      • Chapter 1,2,3,4,5,6,7,8
    • كلمات منهج اللغة الايطالية للصف الثالث الثانوى
      • الوحدة الاولى
      • الوحدة الثانية
      • الوحدة الثالثة
      • الوحدة الرابعة
      • مراجعة 1

الترم الثانى

  • الصف الاول الابتدائى
  • الصف الثانى الابتدائى
  • الصف الثالث الابتدائى
  • الصف الرابع الابتدائى
  • الصف الخامس الابتدائى
  • الصف السادس الابتدائى
  • الصف الاول الاعدادى
  • الصف الثانى الاعدادى
  • الصف الثالث الاعدادى
  • الصف الاول الثانوى
  • الصف الثانى الثانوى
  • الصف الثالث الثانوى

30 تعليق

  1. حاج محمد السلام عليكم اسأل الله لك ولكل أفراد عائلتك الخير والصحه والسعاده عملت كثيرا من وصفاتك الزبادي كان روعه والبتزا واللحمه المفرومه واهمبرغر واشتريت الميزان ومتابعه الموقع فجزاك الله خيرا

  2. معلش بس ممكن توضيح اكتر انا نزلت ملف worddata بس ايه برنامج wordsNotes ده جربت انزله من play store ملقيتش خالص اللى حضرتك قولت عليه مفيش التلات نقط ولا Database Managemen ولا حضرتك تقصد برنامج تانى؟!

  3. واخييرا تم الحمد لله شكرا جدا بس معلش بقى اخر سؤال حضرتك تعرف اذا كانت قصة الانجليزى اتغيرت ولالا علشان سمعت ان المناهج اتغيرت بس مش عارفة القصة برضه اتغيرت ولالا وعايزة ابدأ اذاكرها من دلوقتى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *