البرجر بنجاح متواصل

من كتر ما بنحب البرجر البيتى بقينا بنستهلك منه كميات فظيعة – تقريبا بناكله 3 مرات فى الاسبوع!!.. وال64 برجراية اللى باجمدهم فى المرة الواحدة مابقوش يقعدوا 10 ايام على بعض! – على أد ما هو لذيذ لكن بدأت اتعب من عمايله – اصعب خطوة فيه هى تشكيله قبل تجميده – وتقطيع البلاستيك اللى بيتحط بين طبقاته – بس بصراحة الطعم خطير ويستاهل التعب – وكمان عملى جدا – حتلاقى فين اكلة تتطهى بالسرعة الصاروخية دى؟ مفيش لحمة تستوى سوى كامل فى 90 ثانية غير طريقتى دى – فيه كدة بالذمة؟

002-001عايز بس ادور على طريقة اسهل لتشكيله – لحسن ضهرى بيتقطم بصراحة – بفكر أجرب تجميده على شكل اسطوانى وبعدين اقطعه شرائح رفعية – زى ما كنت باعمل قبل كدة – بس القطاعة اللى عندى يدوية – هى صحيح المانى وحامية جدا – بس مش بتظبط السمك زى طبعا قطاعات البقالين والسوبرماركت – نفسى اشترى واحدة بس بيتهيألى حتبقى غالية قوى – حد يعرف بكام؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *