قهوة VIP سريعة الذوبان من بيم

IMG_0773امبارح كنت فى سوبر ماركت بيم التركى – ولقيت عندهم قهوة فى كيس 200جم سريعة الذوبان – زى نسيكافيه كلاسيك – بس ماركة تركى اسمها VIP classic – سعرها 29.50ج فقط – قلت أجربها – طلعت جميلة وعجبتنى اكتر من نسكافيه كلاسيك اللى سعره اغلى (حوالى 40ج للبرطمان 200جم) – طعمها زى طعم قهوة بونجورنو برازيل اللى بتبقى مصنعة بطريقة التجفيف بالتبريد Freeze dried

البائعة قالت لى ان بيجيلهم منها نوع فاتح VIP Gold – اعتقد دة حيبقى أحلى كمان لانه غالبا مادام جولد يبقى مجفف بالتبريد برضه – ودى طريقة أفضل لتصنيع البن سريع الذوبان وبيفضل طازج بعد فتح العبوة مدة أطول من القهوة الكلاسيك

6 تعليقات

    • القهوة التركى عشان تطلع لها وش جميل ان شاء الله اتبعى الخطوات التالية حرفياَ:
      فى كنكة القهوة حطى معلقة ماء بارد وصبى عليها البن – زودى البن سنة للحصول على وش اكبر
      امسكى الكنكة وحركيها حركة دائرية حتى يذوب البن فى الماء بدون استخدام معلقة
      اضيفى السكر وقلبى بالمعلقة حتى يذوب السكر وتحصلى على عجينة تقيلة لكن ناعمة تماما
      كيلى ماء ساقع فى الفنجان وصبيه على العجينة بالتدريج مع التقليب ليختلط الكل
      ضعى الكنكة على نار هادية جدا حدا – اقل نار ممكنة مثل السبرتاية
      فى هذه الأثناء يفضل انك تحطى فى فنجان القهوة اللى حتستخدميه ماء ساخن لتسخين جدرانه وقبل صب القهوة مباشرةً تخلصى من الماء
      راقبى القهوة وقبل ما تبدأ تقلب أو تفور مباشرةً شيليها فورا من على النار – لو سبتيها تقلب او تبدأ فى الفوران ضاع الوش
      صبى القهوة فى الفنجان مرة واحدة وبسرعة للحصول على وش عالى – لو صبيتيها ببطء قد تحصلى على وش خفيف
      مع تمنياتى بأحلى فنجان قهوة انتى وضيوفك

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *