نقاط الخبز: اعرف البدل النقدى مقابل توفيرك فى الخبز

منظومة الخبز الجديدة تسمح لآى مواطن لا يشترى كل حصته الشهرية من الخبز – ان يحصل على بدل نقدى يستخدمه فى الحصول على سلع تموينية يصرفها مجانا من بقال التموين – قدره 10 قروش عن كل رغيف لم تشتريه

ولكى تعرف كل شهر مقدار البدل النقدى الذى حققته من توفير شراءك للخبز – صممت لكم جدول بسيط يجسبها لكم

لاستخدام الجدول الان اون لاين اضغط هنا

60 تعليق

  1. عندى استفسار ارجو من احد السادة التجار ان يجيبنى عليه
    هل عشان المواطن ينزل له فرق دعم الخبز على بطاقة التموين يشترط انه يكون اشترى خبز خلال الشهر؟
    لانى سمعت ناس بتقول ان لو الواحد ما جابش عيش ولا مرة طول الشهر ما ينزلوش دعم خبز خالص فى ذلك الشهر
    هل الكلام دة صحيح؟
    وهل يشترط يشترى خبز مرة واحدة وللا اكتر من مرة فى الشهر؟

    • مريت على الجمعية التعاونية الاستهلاكية بحدائق حلوان من من اجل اعرف منه موعد صرف فرق نقاط الخبز

      قال لى اخر يوم يوم 10 من كل شهر وثانى يوم عديت عليه قال لى وزارة التموين جعلت اخر يوم يوم 5

      من كل شهر وراح عليك هذا الشهر فهل هذا صحيح يعنى اسأله يوم 7-12 يقول لى اخر يوم يوم 10 وتانى

      يوم على طول يقول لى الوزارة لغته اصبح اخر يوم يوم 5 دون اى انذار

      لله الامر من قبل ومن بعد

      • للأسف يبدو ان المعلومة دى صحيحة – والحكومة قررت يوم 8 ان صرف تقاط الخبز يتوقف يوم 5 !!!
        وهذا أمر غريب جدا كما لو كانت الحكومة نصابة وتريد سرقة مستحقات محدودى الدخل – صعب الحقيقة نلاقى تفسير تانى
        أتمنى أن يلغوا هذا القرار وأن يستمر صرف نقاط الخبز طوال الشهر تماما مثل المقررات التموينية – وكفاية تلاعب بعقول الناس – انتم من قررتم هذا النظام ويجب ان تلتزموا به وتترفعوا عن التفنن فى وضع عراقيل خبيثة تحرم غالبية الناس من صرف مستحقاتهم

  2. ابننا العزيز حاج محمد
    السلام عليكم ورحمة الله وبركاته
    بفضل الله ثم بفضل موقعكم ذهبت اليوم لصرف فرق الخبز لاول مرة بعد استخدامى الالة الحاسبة الغجيبة اختراعكم ومجهودكم المشكوور عليه
    وجدت انمه يتم خصم 2 جنيه من الماكينة وعندما استفسرت وبعد مشاهدتى للماكينة وجدت فعلا يتم خصم 2 جنيه عن كل بطاقة !
    لذلك وجب التنويه لاعادة برمجة الالة .
    كما اود ان اطرج سؤال للوزير المحترم خالد حنفى الذى ازال جميع عوائق مشاكل السلع التموينية والخبز بجدارة . لماذا يتم التعامل مع فرق الخبز بالسلع عن طريق تاجر التموين الاصلى دون الفاملى ماركت الذى اراحنا كثيرا ؟. اولا ذهبت فى الصباح الباكر 7 صباحا حتى احجز رقما وانتظرت الى التـاسعة صباحا حتى افتتح المجمع وكان رقمى 25 . المهم صرفت الاصناف بعد برمجتها مسبقا على آلتكم العجيبة .
    تحياتى لك واتمنى لو توجد وسيلة لتوصيل صوتى الى الوزارة اكون من الشاكرين .

    • أشكر حضرتك على المعلومات القيمة – وقد تم تعديل الالة الحاسبة بحيث تخصم 2ج كما ذكرت لى
      بالنسبة لبدل الخبز الجمعيات الاستهلاكية بتصرفه عادى
      كنت بس عايز اعرف من سيادتك لو واحد ماصرفش عيش خالص طول الشهر يصرف بدل خبز وللا مالوش؟

      • يااستاذنا الغالى جاج محمد
        رأيت بنفسى ناس بتصرف 44 جنيه . واعتقد ان الالة مابتكذبش يعنى اول ماتحط الكرت يجديلك الفرق على طول ناقص ال 2 جنيه اللى قلت لك عليها . الله يكرم الوزير الحالى لاننا كنا بنترك الارز المسوس للتاجر والزيت كنا بنستهلكه فى القلى فقط او توزيعه على الغير والسكر هو الوحيد اللى كنا بنكسبه من البطاقة . الان استطيع آخد اللى انا عايزه من السلع حسب احتياجاتى الشهرية فقط بدون مااخزن كميات عندى زى الاول.
        مرة اخرى اشكرك على التواصل

  3. ياباشا قالو ان مواعيد صرف بدل الخبز من يوم 1 الى يوم 5 من الشهر التالى وعليه ذهبت امس الى البقال التموينى قال لى لم ترد الينا معلومات بهذا الخصوص حتى الان وانا من الزقازيق والبقال اسمه هشام عفيفى

  4. اتمنى ان يصل اصواتنا الى وزير التموين لحل مشكلة صرف فرق الخبز من التاجر التموينى ويجيز صرفه من مجمعات فاملى ماركت ويشيل شرط المدة اللى هى 5 ايام ويخليها مع صرف باقى السلع خلال الشهر منعا للزحام الشديد . يعنى لازم اتعذب فى طابور من 6 صباحا حتى 9.30 علشان اصرف حصتى .

    • انا تاجر تموبن منظومه الخيز اتطبقت عندنا ف البحيرة ف شهر واحد تحديدايوم 11 المواطن بيجينى من اول الشهر يصرف يدل الخيز (النقاط) نا بضرب البطاقه ع الجهاز واطلع استعلام بالمبلغ المستحق واسلمه لصاحبه يشوفه فيه ناس بيطلعلها 100 جنيه وناس بيطلعلها 1 واحد وفيه ناس بيكلعلها ارقام اعلى من المستحق الفعلى ليها بحكم ان معظم البطاقات مش متحدثه ف الغاءالافراد اللى طلعوا من البطاقه
      انا مش عارف اصرف للناس فرق الخيز دا ولا لا المواطن معاه ورقته وضامن حقه انما انا هوزع باكتر من 25 الف حنيه بضاعه ببلاش هل الحكومه هتدينى المبلغ دا فعلا ولا لا
      بنسأل ناس تعتبر مسؤله يقولك مش عارف حتى موظف شركه الكمبيوتر نفسه مش عارف والناس مش صابرة نروح البنك منلاقيش فلوس
      انا مجتار اوزع ولا استنى ..يا ريت لو حد يعرف موقع يكون مهتم بدا او حد يرن ع رقمى دا 01129932268

  5. كل يوم يزداد اعجابى باالموقع وبالمعلومات القيمة التى يقدمها . ولكن هل انت لحالك ياحاج محمد تقوم بهذا الانجاز الضخم . ارجو ان يوفقك الله ودعواتنا لك .
    اعتقد انه كان هناك جدول لحساب السلع المنصرفة بموجب فرق الخبز . ولكنه ضاع منى وسط برامجك القيمة التى تحتاج لشهور للاستمتاع بها .
    ومرة اخرى شكرا ووفقك الله

  6. قمت باضافه المواليد على بطاقه التموين وعملت كل اللى عاوزينو بنجاح والكلام ده كان فى شهر 12 2014
    وروحت اصرف العيش فى شهر 1 2015 مالاقيتش حاجه اضافه ؟؟؟؟؟محدش يعرف يه؟؟؟
    وشكرا جزيلا للرد

  7. للاسف بقال التموين ممكن ياخد نقاط الخبز الباقيه فى البطاقه لا يبلغنى بها اعمل ايه خصوصا انه بياخد الايصال اللى بيخرج من الماكينه اثناء صرف التموين وانا مش بشوفه
    سوالى التانى ممكن اصرف تموين من اى مكان غير البقال الاصلى وفين الجمعيات الاستهلاكيه اللى فى المنيا واماكنها …………………ياريت يبقى فيه رد غلى كلامى

    • للاسف الشديد نسبة عالية من بقالى التموين يتلاعبون بالايصالات والاسعار والاصناف ويبدو ان وزارة التموين لا تردعهم ولا يوجد من يوقفهم عند حدهم وتنطبق هنا مقولة ان الشكوى لغير الله مذلة
      نصيحتى لك يا سيدى ان تجرب اكثر من بقال تموينى وجمعية استهلاكية ، فمن حقك الصرف من اى بقال تموينى فى محافظتك ، الى ان تعثر على بقال عنده ضمير يسلمك ايصال الماكينة ويلتزم بالاسعار الرسمية ولا يتلاعب فى الاصناف او الاسعار فتستقر عليه ، هو صعب بس مازال فيه بقالين شرفاء ابحث وان شاء الله ستعثر على واحد منهم

  8. كم عدد صرف الخبز فی الشهر لكی يتم تفعيل نقاط الخبز وتصرف بدل منها سلع تموينية … يعنی اجيب كام يوم عيش علشان اصرف نقاط الخبز بسلع تموينية مع العلم اننا 3 افراد …. ارجو سرعة الرد

  9. احنا مش لقيين شغل ممكن منع العيش لاننا شغلين في مطارح الخبز من بعد مامنظومه العيش بدات واحنا مش عرفين نبيع مطرحه يا ريت حد يفهم انا اسمي محمد البب من قريه التلين منيا القمح محافظه الشرقيه

    • انا بحثت عن كلمة “مطرحة” وفهمت تقصد ايه – أداة مصنوعة من الخشب يلقى بها الخبز في الفُرْن
      للأسف منظومة الخبز لم تأخد فى الحسبان خبر الفلاحين والقرى – وحاليا الفلاح ارخص له يشترى عيش الحكومة الجاهز لانه لو اشترى دقيق وعمل عيش فى البيت حيتكلف اكثر بكتير – هناك حل أدعو وزارة التموين للأخذ به وهو اتاحة الاختيار للمواطن فى أن يستلم حصة من الدقيق المدعم بدلا من الخبر حتى يستطيع خبز العيش الفلاحى بنفسه فى البيت – وفى هذا توفير للفلاح وللحكومة فى نفس الوقت – وبهذا لا تتوقف الصناعات المرتبطة بالخبز البيتى مثل مطارح الخبز

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *