آيس كريم مانجو فى 5 دقائق

micاقدم لكم اليوم طريقة سهلة وسريعة لعمل ايس كريم مانجو فى البيت – أو فراولة – خوخ – مشمش  – بدون حاجة الى ماكينة ايس كريم او اى اجهزة خاصة – فقط خلاط المطبخ العادى – ومش حتصدقوا طعامة الايس كريم دة .. تحفة تحفة وجربوا بنفسكم – أحلى من أى ايس كريم جاهز بجد – ممكن فاكهة واحدة أو كوكتيل فواكه – الاختيار لكم

المقادير

  • 2 ثمرة مانجو زبدية متوسطة الحجم (الواحدة فى حدود 300جم) أو فراولة – مشمش – خوخ
  • كيس حليب نصف كيلو
  • 3 معالق كبيرة سكر

الطريقة

  • نغسل المانجو وبعدين ننشفها ونجمدها فى الفريزر صحيحة بقشرها فى كيس بلاستيك – أو اى فاكهة كما هى
  • نجمد كيس الحليب مفرود فى الفريزر
  • بعد يوم او اكثر لما يتجمدوا نخرجهم من الفريزر – نقص طرف كيس الحليب ونقشره ونخرج الجليب فى صينية
  • نشطف المانجو ثم نقشرها بمقشرة زى ما بنقشر البطاطس – وبعدين بسكين حامى نقطع اللحم شرائح نضعهل فى الخلاط – ونستمر فى تقطيع لحم المانجو لغاية ما تتبقى البذرة فقط – وبالنسبة للفواكه الاخرى لو كانت كبيرة نقطعها اما لو صغيرة كالفراولة فتقطيعها ليس ضرورى
  • الحليب حيكون فك شوية – نقطعه بالسكين مكعبات صغيرة ونحطه فى الخلاط مع شرائح المانجو – وبعدين نضيف السكر فى الخلاط
  • الافضل نخلى الخلاط مش مليان عشان يفرم الفاكهة والحليب كويس – ممكن نضرب الكمية مقسمة على مرتين تلاتة
  • نضربهم فى الخلاط لغاية مايبقوا ناعمين خالص
  • نصب الايس كريم فى علبة بلاستيك – ونغرف من علبة الايس كريم فى بسكوت او اكواب للتقديم فورا – طريقة الغرف اننا نحك وجه الايس كريم بالمعلقة بحيث تطلع معانا طبقة رقيقة من الايس كريم – وهكذا نكرر طبقات شرائح ونضع فى الكوب – والباقى نغطيه فى العلبة ونحفظها فى الفريزر

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *