اطلب جدول اكسيل وانا اصممه لك مجاناً

لو محتاج ألة حاسبة تحسب لك أى شئ أكتب طلباتك هنا وانا اصممها لك

وكمان لو محتاج جداول اكسيل تفيدك فى حساباتك او إدارة اعمالك او شئون مهنتك او حياتك اليومية اطلبها برضه هنا

من فضلكم عند طلب آلة حاسبة أو جدول اكسيل أكتبوا لى كل المطلوب بالتفصيل – يعنى كل العناصر اللى محتاجينها فى الالة او فى الجداول

تأكد من كتابة الايميل بتاعك صح فى الطلب بتاعك عشان تقدر تتابع معايا تنفيذ طلبك – حيجيلك اخطار عليه بمجرد الرد على طلبك – انا اتعامل فقط مع من يبدى جدية واهتمام وحاجة فعلية لما يطلبه – لذا يرجى قراءة الشروط التالية بعناية وحرص

يشترط لتنفيذ طلبكم الآتى:

  • ان يكون النشاط حلال لا يغضب الله
  • ان تكتب لى تفاصيل التفاصيل فى كل نقطة تريدها فى الالة الحاسبة او جدول اكسيل المطلوب ولا تترك أى تفصيلة
  • لا تتوقع ان لدى أى خبرة فى تخصصك – مثل علوم المحاسبة والطب والهندسة والتجارة او القونين او الادارة – خبرتى تكنيكية فقط فى تصميم جداول اكسيل والات حاسبة – لذا اشرح بالتفصيل كل ما تريد وكأنك تشرح لشخص لا يعمل فى مجالك وليس لديه اى خبرة او معلومات عنه ولا علاقة له به من قريب او بعيد – اذا افترضت انى اعلم شئ فى مجال تخصصك فلا تتوقع ان تحصل على ما تريد بالطريقة التى فى تصورك
  • لا يمكنك طلب أى تعديلات او تفاصيل اضافية بخلاف ما قمت بذكره فى تعليقك الاول – لذلك من الضرورى ان توضح كل ما تريد بكل تفاصيله فى تعليقك

حاليا الالات الحاسبة وجداول اكسيل اللى صممتها حتى الآن تجدها على اليمين – تصفحهم فقد تجد طلبك جاهز بالفعل ويمكننة ان اعدله لك ليكون مناسب اكثر لاحتياجاتك – او اصمم لك جدول جديد حسب رغبتك

باذن الله طلبك سينفذ ويظهرفى هذه القائمة لكى تستفيد انت ويستفيد الآخرين ايضاً

ويسعدنى تشريفكم لى بزيارة صفحة الخدمة المجانية على الفيس بوك

275 تعليق

  1. ممكن اله حاسبه تخزينيه للمعلومات يعني ….ادخل اسم العميل وتاريخ الصرف والكميات المصروفه وطبعا في البدايه بيكون في عمليه ادخال للكميات المخزون ومع كل عمليه ادخال بشوف الصافي من المخزون بعد الصرف ……. انا بطول عليك بس ده حاجه مهمه اوي في عمليات الجرد وخاصه في تننوع السلع …..وطبعا حضرتك عناصر المخزون من السلع الجديده

          • لو تقصد جداول اكسيل انا محتاج منك كل التفاصيل اللى حضرتك والتجار عموما حيحتاجوها عشان اصمم لك كل الوظائف اللى محتاجينها فى البرنامج
            مثلاً:
            1- كم عدد عملاءك؟ يعنى بتخدم كم بطاقة تموينية؟ وما هو أقصى عدد مسموح به للبقال التموينى الواحد؟
            2- هل عندك قائمة باسماؤهم بحيث تكتبهم فى الجدول اللى حأعملهولك ويبقى متحضر فيه كل الاسماء؟ وللا حتكتب اسم اسم لما كل واحد يجيلك وانت بتصرف له التموين بتاعه؟
            3- هل البضاعة اللى بتستلمها بترجع لهم المتبقى منها آخر الشهر؟ وللا بتفضل عندك وتضيف عليها بضاعة الشهر الجديد؟
            وكل التفاصيل ياريت عشان الجداول تبقى فيها المفيد ليكم باذن الله
            ياريت الرد يكون بالتفصيل الممل من فضلك
            بالمناسبة: هل بدأتم فى توزيع السلع التموينية؟

  2. عمو محمد يا اجمل عمو محمد في االدنيا حضرتك طالب التفصيل الممل لكن كلا وحاشا نمل سيادتك هو عدد البطاقات غير محدود كمان ممكن ننزل الاسماء مسبقا وبشكل وقتي اما السلع فبتبقي رصيد لينا انا برد عليك وانا لسه بنزل البرنامج بعد الاستعمال هيكون الكلام ومرسي اوي جدا خالص يا محترم جدا

  3. شكرا جزيلا لتعبك و الآله الحاسبه لفاتورة الكهرباء افادتني كثيرا ومش مشكله فرق 10 جنيه دمغات و رسوم …. شكرا جزيلا لك و اذا ممكن تعملها نسخه محموله exe يبقى كتر خيرك كونه من المتعذر استعمالها في حال انقطاع النت

    • لأ طبعا مشكلة – انا باحب آلاتى تكون دقيقة بلا اخطاء – ياريت حضرتك تساعدنى وتقول لى الفرق فين بالظبط – انا حاطط بالفعل قيمة الدمغات والرسوم لكن لو الحكومة زودت الرسوم عندك ياريت تذكر لى الفعلى الان بالظبط – وانا اعدل الالة
      بالنسبة لاستخدامها بدون نت هى بالفعل بتستغل بدون حاجة الى النت لو حفظت الصفحة على جهازك – اضغط على Ctrl + S مع بعض لحفظ الصفحة
      وشكرا لكملتك الطيبة واسعدنى تشريفك لموقعى المتواضع

      • ممكن انا كمان تساعدنى فى انى اعمل شيت مرتبات للشركه هندسيه عايزة اعمل فيها المرتب الاساسى والحضور والانصراف وتتحاول الساعات لفلوس من غير لما ادوخ لو ينفع تساعدنى ااقولك بالظبط انا عايزة ايه وشكرا لحضرتك

          • انا متشكره جدا لحضرتك انا عايزة اعمل شيت مكون من خانه المسلسل الموظف -الراتب الاساسى -ساعه الحضور – والانصراف – التأخير – مبكرا – الاوفر تايم – الخصم – الغياب – الاذن – المأموريه – صافى الراتب . تمام كده
            مع العلم ان ميعاد الحضور والانصراف من 8.30 الى 4.30 وناس 9 الى 5 وناس من 8.30 الى 5.30 .
            بالنسبه للتأخير الدقيقه الواحده بدقيقه ونصف .
            الاوفر تايم الساعه بساعه ونصف .
            الاذن الساعه بساعه .
            وانا بشتغل على اصدار 2013 والايميل بتاعى [email protected] لو حضرتك حبيت تعرف حاجه ده ميلى واتمنى انه يتظبط قبل موعد القبض وجزاك الله خيرا .

          • هل الانصراف مبكرا برضه بيتخصم الدقيقة بدقيقة ونصف؟
            وهل الحضور مبكرا او الانصراف متاخرا بيتحسب زيادة؟ وهل بيتحسب كساعات عمل ام اوفرتايم؟
            وكيف يتم خصم يوم الغياب؟
            وهل الاجر بالساعة ام باليوم ام بالشهر
            وهل اجر الساعة مختلف من موظف لاخر؟
            وهل اجر اللى بيشتغل من 8 ونص ل4 ونص مختلف عن اللى بيشتغل لغاية 5 ونص؟
            هل تريدى جدول منفصل للثلاث توقيتات عمل؟ ام نفس الجدول
            هل المامورية بنفس سعر ساعة العمل
            هل الاوفر تايم سعره ثابت الساعة بساعة ونص حتى فى ايام الاجازات؟
            وكم اجمالى عدد الموظفين؟
            وهل مطلوب منك تدخلى ساعة الحضور والانصراف لكل موظف كل يوم؟
            معنى كدة انى اعمل لك جدول منفصل عن كل يوم من ايام الشهر؟
            وهل يتم خصم ضرائب وتأمينات أو اى اشتراكات شهرية؟
            وهل لكل موظف رقم كودى؟

          • الانصراف بدرى الدقيقه بالدقيقه
            يحسب اوفر تايم فى حاله انه مر ساعه بعد وقت ىالانصراف اقل من كده لايحسب اما الحضور بدرى لايحسب
            يوم الغياب اليوم بيومه اذا تجاوز مده اجازته 21 يوم
            الاجر بالشهر والمرتبات مختلفه
            اجر الساعه مختلف من موظف لاخر
            فيه متاشبه وفيه مختلف
            ياريت يكون فى جداول منفصله لان الاغلبيه مواعدهم من 8.30 الى 4.30
            المأموريه تحسب كايوم عمل عادى بالاضافه للمصاريف السفر وبتخلف من مكان لاخر بدل السفرلو قعد اكتر من 11 ساعه فى الماموريه تحسب اوفر تايم الساعه بساعه ونص
            الاوفر تايم سعره ثابت فى ايام الاجازات
            عدد الموظفين 8 – ايوة مطلوب منى ادخل حضور وانصراف يوم بيومه – ياريت لو تعملى جدول حضور وانصراف منفصل
            لايخصم اى تامنيات ولا ضرائب – ولكل موظف رقم كودى

          • هل الموظفين بيقبضوا اجر الساعات اللى اشتغلوها طوال الشهر بالاضافة للمرتب الاساسى؟ ولا بياخدوا اجر الساعات الاكتر من 8 ساعات فقط؟

          • معلش اتأخرت عليكى – كنت مشغول جدا امبارح
            قربت اخلص
            بالنسبة للخصم بيكون بمبلغ معين وللا بالساعات وللا بالايام؟
            وبالنسبة للغياب اليوم بيوم – هل اليوم بيتحسب عندكو 1/30 من المرتب الاساسى؟

          • اتفضلى الشيت جاهز هنا:
            http://my2cents.gawaher.com/10624
            خللى عندك الاصل زى ماهو بدون ادخال اى بيانات فيه – واعملى منه 12 نسخة سميها باسم كل شهر – بحيث يبقى عندك 12 نسخة بعدد شهور السنة احفظيهم فى فولدر برقم السنة – وبعدين اعملى نسخ كتير من مجلد السنة – ثم غيرى فقط اسم كل مجلد برقم السنوات المتعاقبة
            بالنسبة للماموريات انا سبتهالك تحطى مبلغ المامورية فى يومها حيث لا توجد معايير محددة لاحتسابها
            وايام الغياب ضرورى تدخلى عدد ايام الغياب السابقة والاجازات اللى حصل عليها الموظف من اول السنة قبل الشهر الحالى
            ياريت تجربيه وتختبرى كل حاجة فيه ولو لقيتى اى غلطة او عايزة اى تعديل ياريت تبلغينى خلال 48 ساعة عشان انا ذاكرتى ضعيفة وبانسى بسرعة

  4. السلام عليكم
    الاستاز * عمو محمد نحن نقدر مجهوداتك العظيمه دى الى بتسهل لينا العمليه الحسابيه
    بس ممكن طلب بسيط الاله الحاسبه للسلع التمونيه بدل ماهيه ب15 للفرد فى الشهر تخليها 37 للفرد
    لان التجار ال مش استلمت الحصه بتاعه الشهر الى فات فهنوزع الشهرين مع بعض مع اضافه 2.5 فى الحساب
    ولك جزيل الشكر واسفين جدا على ازعاجك ……………….وشكرا

    • بس كدة حتبقى مشكلة لما يجيلك ناس صرفت الشهر اللى فات – لو الالة حسبت لكل الناس 37 جنيه يبقى كدة غلط
      تحب اعمل لكم آلة منفصلة تستخدموها مع الناس اللى ماخدوش تموين رمضان؟
      وللا اعمل لكم ألة تكتب فيها بنفسك الرصيد حسب ما بيظهر لكم فى شاشة الماكينة بعد وضع كارت الزبون فيها؟ عشان فيه ناس ممكن تكون صرفت جزء وباقى لها جزء من رمضان – ايه رأيك؟
      وبالنسبة لل 2.5ج دول بتوع ايه؟ وهل تقصد اضافة لرصيد المواطن وللا تقصد خصم منه؟ انا معلوماتى 1ج فقط حافز بقالين والجنيه التانى بتاع الخدمات الالكترونية كان فى رمضان فقط – هل فيه اى تغيير عن كدة؟ ياريت تذكر لى معلومات رسمية صادرة من وزارة التموين

        • انا عملت لكم حاجة احسن من كدة – آلة جديدة تستطيع فيها بنفسك تعديل مبلغ الدعم للفرد – حتلاقى دعم الفرد 15 – ممكن تمسحه وتكتب 37 للى مخدش فى رمضان – وحتى لو مواطن خد جزء فى رمضان وباقى له جزء تقدر تعدل رصيد البطاقة كلها حسب الرصيد اللى بيظهر لك على شاشة ماكينة التموين لما تحط فيها الكارت بتاع الزبون
          كدة تبقى آلة مرنه تصلح فى أى شهر ولأى زبون – حتى لو الحكومة غيرت مبلغ الدعم فى أى وقت فى المستقبل – وعلى فكرة انا عدلت تنسيق الالة بحيث تكون انسب للموبايلات اللى شاشاتها صغيرة وبقت الاسعار صف واحد بدل صفين – جرب الالة كدة وقل لى لو ليك أى ملاحظات:
          http://my2cents.gawaher.com/7880

  5. جدول اكسيل يكون بها
    العنوان اسم التاجر وتضم صفحة التاجر عدد البطاقات عدد الافراد
    اسم صاحب البطاقة رقم البطاقة عدد الافراد خصم اضافة عدد الافراد بعد التعديل

    الغاء نهائي تحويل وهذا يختص بالبطاقة كامله
    التعديل اما بالخصم او الاضافة خاص بافراد البطاقة
    ويكون اجمالي البطاقات = عد البطاقات – التحويل + الالغاء
    ويكون اجمالي عدد الافراد = عدد الافراد – او + الخصم او الاضافة
    ولكم مني جزيل الشكر والتحية والتقدير وانا مستعد لاي استفسار
    والسلام عليكم

    • قبل كدة محتاج من حضرتك استفسار – بما انك تاجر تموين – ايصالات ماكينة التموين الشهر دة ايه الرسوم المبينة فيها؟ ممكن حضرتك تصور لى ايصال منهم وترفعه على موقع مثل gulfup.com ؟ ولو صعب يبقى ياريت تكتب لى بالتفصيل كل سطور ايصال منهم عشان اعدل الالة الحاسبة بناءا على الرسوم الحالية – خصوصا حافز البقالين والخدمات الالكترونية الاتنين موجودين فى الايصالات الشهر دة؟ وكام كل منهم من فضلك؟ وهل هناك اى رسوم أخرى ظاهرة فى الايصالات؟

  6. لو سمحت انا عايز اله حاسبه تحسب نظام صرف التموين الجديد بس تكون ينفع اعملها دوانلود وتشتغل بعد كده من غير النت .
    ولو ينفع الموضوع على جدول اكسيل بمعادلات يكون ممتاز جدا.
    ولك كل التحيه .
    شكرا

  7. لو سمحت انا عايز 3 شيت اكسل تسجيل بيانات مشتركين شبكة
    الشيت يضم اليوزر والباسوورد ونوع الاشتراك وتاريخ بداية الاشتراك تاريخ انتهاء الاشتراك اسم المشترك تليفون المشترك ايميل المشترك قيمة الاشتراك المدفوعة طريقة الدفع بيانات الدفع
    بيانات اخرى
    الشيت يكون بية خاصية البحث وتجميع المبالغ

    الشيت الاول باسعار
    1 شهر 42 جنية
    3 شهور 125 جنية
    6 شهور 250 جنية
    12 شهر 500 جنية
    ————————
    الشيت الثانى
    باسعار
    6 شهور 110 جنية
    12 شهر 220 حنية
    ———————-
    الشيت الثالث
    3 شهور 45 جنية
    6 شهور 90 جنية
    12 شهر 180 جنية

          • قمت بوضع الرد على اسئلتك اكثر من 20 مرة ولم يظهر ردى ولا مرة
            يبدو ان الموقع لا يظهر الردود الطويلة
            ارجو ارسال الايميل حتى اتواصل معك

          • توضح مهم تأكدت الان من ان الموقع لا يقبل ردود بها كلمات باللغة الانجليزية
            هذا هو السبب فى عدم ظهور الردود السابقة

            المهم
            الشيت باللغة الانجليزية
            انواع الشيتات كنت اكتبها باللغة الانجليزية ( سيسيكام – امجيكام – نيوكامد )
            الاسعار ثابتة كما هى موضحة سابقا
            اسماء الشيتات كنت اكتب اسماء الشيتات باللغة الانجليزية
            الشيت الاول اوربا
            الشيت الثانى العرب
            الشيت الثالث مصر
            وتقبل تحياتى اليك

          • جميل – محتاج بس كام معلومة اضافية
            – لما قلت انواع الشيتات ( سيسيكام – امجيكام – نيوكامد ) انت تقصد انواع الاشتراكات؟
            – ماهى طرق الدفع؟
            – عايز الشيت يساع بيانات كام مشترك؟ 1000 مثلا؟ وللا اكتر او اقل؟
            – عايز اجمالى الدفوع عن كل شيت لوحده وخلاص وللا عايز اجمالى المدفوع فى ال3 شيتات كمان؟
            (على فكرة ممكن تكتب انجليزى عادى – بس عشان كتبت 3 حروف فى نفس الكلمة ما اتقبلتش – انا مخمن انك كتبت cccamd – انا عدلت الفلتر عشان يقبل 3 حروف متتالية عشان دة مايحصلش تانى)

  8. شكرا لك اخى الكريم
    تعديل
    عند بعد كتابة تاريخ البداية لا استطيع كتابة تاريخ النهاية ويظهر فى المربع الخاص بها
    ثلاث علامات # # #

    هل من الممكن اضافة خانة للاسكاى بى
    واضافة خانة u s e r cs
    واضافة خانة اخرى باسم email paypal
    واضافة خانة name bank
    وتعديل خانة pay date الى details
    وهل فى الشيتات امكانية تجميع الحسابات بطريقة شهرية
    يعنى مثلا اعمل بحث لجميع الاشتراكات التى تت فى خلال الشهر
    من يوم 1 فى الشهر الى يوم 30 فى الشهر
    وجملة المدفوعات التى تم دفعها فى خلال المدة التى طلبتها
    وشكرا

  9. والله انت انسان عبقرى ياعمو محمد بس احنا عاوزين من سعاتك خدمه كمان عاوزين جدول يشمل مايستحقه الفرد الواحد والاثنين والثلاثه وهكذا من السلع فى حدود الدعم فقط لانه فى ناس كثيره مش عاوزه غير الدعم فقط لذلك لو ممكن تصميم جدول لهذا الامر يبقى جزالك الله خيرا

    • حاضر من عنيا – بس عايز اعرف منك ايه هى السلع اللى ليها اولوية عند المواطن؟ اكتبهم لى بترتيب الاولوية
      يعنى اهم سلعة تبقى رقم 1 والى تليها فى الاهمية تبقى رقم 2 وهكذا – وهل الناس اللى عايزة الدعم فقط بتفضل زيت دوار شمس وللا خليط؟ ولو خليط يبقى من اللى بكام؟
      والسكر انهى نوع احسبه؟
      كل ما تدينى تفاصيل اكتر اعمل لك جدول افيد

  10. السلع اللى ليها اولويه
    1-سكر قصب 2-زيت خليط 1كيلو 3-ارز 1كيلو
    وبعد كده تكمل لحد ما الدعم يخلص مثلا تحط شاى 100 جرام
    والمكرونه والصابون والجبنه والسمن على كد الدعم
    وجزاك الله خيرا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *