آلة حاسبة تحسب لك اسعار السلع التموينية الجديدة فى رمضان

ملحوظة

بعد شهر رمضان انتقل الى هذه الصفحة:
آلة حاسبة للسلع التموينية بعد رمضان

اليكم قائمة اسعار السلع التموينية الجديدة – وآلة حاسبة تسهل عليكم اختيار السلع وعددها حسب المبلغ المخصص لاسرتك – كل فرد فى البطاقة التموينية له مبلغ 15 جنيه تعطيه له الحكومة فى شكل سلع يختار منها مايشاء – مع زيادة 7 جنيهات للفرد فى شهر يوليو فقط بمناسبة رمضان – يعنى لو بطاقتك التموينية مقيد بها مثلا 5 افراد يبقى ليك 22×5 يعنى 110 جنيه (فى الشهور التالية ليك 5×15 يعنى 75 جنيه فقط) – المبلغ دة تشترى بيه اللى انت عاوزه بالاسعار الموضحة فى الجدول التالى – بدون مقابل – يعنى مجاناً طالما لم تتجاوز المبلغ المخصص للبطاقة – حتدفع بس مبلغ بسيط عمولة للبقال التموينى عن كل كيس او زجاجة تاخذها – ربح للبقال – حسب ماهو موضح فى الجدول التالىtmwn

 

لاحظوا ان كل بطاقة تدفع 2 جنيه رسوم فى شهر 7 (رمضان) لكن ابتداءا من شهر 8 والشهور التالية تدفع 1 جنيه رسوم فقط – وهذا المبلغ محسوب ضمن اجمالى المطلوب دفعه فى ايصال الماكينة الذى يستلمه المواطن من البقال التموينى – ولا يحق للبقال طلب أى مبلغ يزيد عما هو موضح فى هذا الايصال – وعلى المواطنين التأكد من استلام الايصال قبل الدفع لمنع أى استغلال لهم من بعض البقالين الذين يحاولون فرض مبالغ على المواطن ليست من حقهم

 

وقد اعددت لكم الحاسب الالى التالى ليساعدكم على معرفة المبلغ الذى يمكنكم شراء سلع به – كما يساعدكم على تحديد الكميات التى تريدونها من كل سلعة فى حدود المبلغ المخصص لكم

ملحوظة

الالة الحاسبة هنا تحسب 22 جنيه لكل فرد حيث اننا فى رمضان – وبعد رمضان اضغط هنا لاستخدام الآلة الحاسبة التى تحسب على اساس 15 جنيه للفرد

اكتب تحت كل سلعة تريدها العدد المطلوب منها – ستجد المبلغ المتبقى ينقص امام عينيك – استمر فى ادخال مزيد من اعداد السلع حتى ترى ان المبلغ المتبقى اصبح صفر

الالة الحاسبة يمكنكم استخدامها فورا وايضا يمكنكم حفظها على اجهزتكم (بالضغط على زر Ctrl + S مع بعض) واستخدامها فى أى وقت وأى مكان بدون الحاجة الى الاتصال بالنت – كما يمكنكم استخدام الالة من خلال الموبايل بنفس الطريقة من خلال متصفح الانترنت على موبايلك

بعد رمضان اضغط هنا لاستخدام الآلة الحاسبة التى تحسب على اساس 15 جنيه للفرد

تحديث

اشتكى كتير من المواطنين من استغلال بعض بقالين التموين لهم وأخذ نقود اضافية ليست من حقهم – وبعض البقالين لا يسلمون ايصال الماكينة للمواطن – هذا الايصال ضرورى ويجب على كل مواطن ان يصر على استلامه ليعرف حقه ولا يدفع أكثر من الموضح فى الايصال الرسمى – وبعض البقالين يكتبون ورقة بخط اليد بالحساب وهذا ايضا مرفوض – اطلب ايصال الماكينة المطبوع ولا تدفع شيئا الا ما هو موضح فى هذا الايصال

اليكم صورة لايصال الماكينة لبطاقة تموين بها 9 افراد فى شهر رمضان (22ج للفرد) – ستلاحظون ان كل كيس سكر او ارز عليه 25 قرش ربح للبقال لا أكثر – ونفس المبلغ لكل زجاجة زيت – وكل شئ محسوب فى الايصال – بما فيه 1 جنيه حافز يقالين و1 جنيه خدمة الكترونية

20140727_172445-002

المبلغ المطلوب دفعه للبقال هو السطر قبل الأخير “مستحق الدفع” – وهو حاصل جمع الصافى + هامش الربح + حافز بقالين + خدمة الكترونية

أما السطر الأخير فيظهر اذا كان لديك رصيد دعم لم تستخدمه – ويمكنك ان تشترى سلع اخرى به حتى لا تترك حقك

بعد رمضان اضغط هنا لاستخدام الآلة الحاسبة التى تحسب على اساس 15 جنيه للفرد

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

267 تعليق

    • حضرتك بتدفع حاجتين:
      1- عمولة البقال (من ربع جنيه الى 1 جنيه حسب كل سلعة كما هو موضح بالجدول)
      2- اذا اشتريت سلع قيمتها تزيد عن المبلغ المخصص لبطاقتك – أى مبلغ زيادة حيظهر لك فى خانة المبلغ المتبقى لكن امامه علامة ناقص “-”
      اذا لم تشترى زيادة عن مبلغك يبقى حتدفع بند 1 فقط

  1. السلام عليكم
    من فضلك لو سمحت انا اسره مكونه من فردين ممكن اعرف حصتى من التموين وهى 44 جنيه طيب لو حبيت اعدى هذا المبلغ انا كتبت فعلا احتياجاتى وطلعت فى خانه المبلغ المتبقى بالسالب او الناقص 238 جنيه + ما سوف تدفعه للبقال 14 جنيه انا هدفع المبلغين ولا هدفع كام بالضبط ولكم جزيل الشكر

  2. لمـــــــــــــــــاذا كل هذا التغييـــــــــــــــــر والتعقــــــيد على البشــــــــــر…….شىء متعب جــــــــــــداا علينا……نتمنى ان تتطبقــــــــوا النظـــــــــــــاالقديـــــــــم افضــــــــــــــــــــــــل جــــــــــــــدااااا…….نحن نفضـــــــــــــــل النظـــــــام القديم………

  3. باختصار الحكومة زودة اسعار البنزين والسولار (وبالتالى تم مضاعفة اجرة المواصلات وكلعادة لا يوجد رقابة حقيقية)وايضا تم زيادة اسعار الغاز والكهرباء وبالمنظومة الجديدة لبطاقات التموين تم خصم خمسة جنيهات من قيمة الدعم للفرد ابتداء من شهر8-2014 اى ان بطاقة تموين لاربع افراد كانت تصرف حصة تموين فى النظام السابق عدد 8 ك سكر+8 ك ارز+6 ك زيت ويتم دفع اربعون جنيها+2جنية للبقال الاجمالى42ج.
    اما فى النظام الجديد فى حالة صرف نفس الكمية يتم دفع مبلغ 54.80+6.40ربح البقال+1ج على البطاقة=
    يصبح الاجمالى المطلوب دفعة نقدى للبقال مبلغ62.20 لنفس السلع والكميات التى كانت تصرف قبل ذلك بمبلغ 42جنية اى بزيادة على المواطن بمبلغ 20.20ج .

    نعم الحكومة كانت صادقة عندما قالت انها راعت المواطن الفقير فى رفع الدعم بدليل انها جعلت الشريحة الثانية فى الكهرباء (وهى شريحة الطبفة الفقيرة) تحسب بمبلغ موحد16قرش للكيلو .
    وهناك دليل ثانى واهم وله دلاله مهمة الا وهو تم زيادة سعر لتر بنزين80 والسولار 70قرش فى حين تم زيادة سعر لتر بنزين 95الخاااااااااااااااص بالطبقة الاغنى فى مصر 40قرش فقط.

    والحكومة تناست ان المواطن الذى ليس له وظيفة واجر ثابتين وتامين صحى وتامين اجتماعى لة الحق فى معاشششششششش بطالة يساعدة على المعيشة التى يتم رفع نفقاتها الان .

    لنا الله . اللهم لا تسلط علينا من لا يخافك ولا يرحمنا

    • عفوا تعليق صغير على موضوع رفع الدعم عن أسعار المحروقات

      النوع التكلفة الفعلية السعر قبل الرفع نسبة الدعم السعر بعد الرفع نسبة الدعم
      بنزين80 3.95 جم 0.90 جم 77% 1.80 جم 60 %
      بنزين92 4.75 جم 1.85 جم 61 % 2.60 جم 47 %
      بنزين95 6.25 جم 5.85 جم 6.5 % 6.25 جم 0 %

      يلاحظ أن دعم المحروقات خلال العشر سنوات الماضية كلف الدولة 687 مليار جنيه نتحملها بفوائدها
      كما يلاحظ أنه تم رفع جزئي للدعم فما زال بنزين80 يدعم بنسبة 60 %
      هذا الرفع الجزئي وفر ما قيمته 51 مليار جم كنا سنقترضها للدعم ونسددهم بفوائدهم
      يلاحظ أن بنزين 95 تم رفع الدعم عنه كليا وليس جزئيا ، أما ما يدعيه البعض أن البنزين80 زاد 70 قرش وبنزين البشوات زاد 40 قرش فقط فهو لقلة علمهم وعدم إطلاعهم بأن بنزين90 تم رفع الدعم عنه جزئيا في عهد د/باسم عودة حتى وصل إلى 5.85 جم ليصير الدعم عليه بنسبة 7 % فقط أما الآن فتم رفع الدعم كليا عنه

  4. دلوقتي الدعم في رمضان 22 جنيه ولو حسبن التموين التموين الاصلي 31 جنيه و90 قرش والبقال هياخد6 جنيه و60 قرشي يعني الحساب هيكون حوالي 38 جنييه طيب ما حن كون بندفع الاصلي 42 جنيه وبعدين انا بكلام علي اساس اني الدعم 22 جنيه وبعد رمضان هيكون 15 جنيه للفرد يعني هندف اكتر من 42 الي كون بندفعهم يعني غليتو التموين الاساسي والهي حرام احن تعبنين

  5. يعنى لو البطاقه فيها 3 أفراد ناخد بأد ايه و ندفع كان لانى متلخبطه اصلا ومش فاهمه حاجه 15 ج ايه الى نشترى بيهم هما ال 15 ج يجيبوا ايه يعنى كدا خلاص هما شالوا الدعم حسبى الله و نعم الوكيل

    • 3 افراد يبقى لحضرتك 66 جنيه فى رمضان – و45 جنيه فى الشهور اللى بعد رمضان – تشترى بيهم اللى يعجبك من غير ما تدفعى حاجة غير بس عمولة البقال (ربع جنيه على زجاجة الزيت مثلا) – الا طبعا لو اشتريتى اكتر من المبلغ المخصص ليكى فطبعا حتدفعى الزيادة

  6. سؤال مين حيدفع ثمن السلغة لتتاجر لما يروح شركة السلغ حيجيب السلغ ببلاش ولاه حيدفع ثممتها لو حديفع ثمنها منين يجسي لوتاج عندة 1000 بطاقة ×7 اؤاد عاوز 7000×15 جنيهدعم
    غير ثمن البضاعة بالاصلى يعنى سك 7000خ4.60 يخلاف يلقىالطبابات اول مرةتشوف ان التاجر يلوص ويحتاس التنجار بتكلمن تفسها فعمهم علشان تنجح المنظومة وشكر ارجوالتوضيح عاوزين نفهم وشكراً

    • أعتقد البقال التموينى مش حيتعامل فى الفلوس – هو حيستلم بضاعة والالة اللى معاه حتبين سلم منها للمواطنين أد ايه ولو فيه بضاعة ما اتوزعتش حيردها ولو بضاعة اتوزعت اكتر من المخصص لاى بطاقة حيورد ثمنها اللى استلمه من المواطنين – يحتفظ لنفسه بعمولات البيع فقط

  7. مجهود اكثر من رائع انا تاجر تموين وهذا العمل سيساعدنى جدا فى الصرف للمواطنين ولكن اطلب من حضرتك خدمة انا لما سيفت الالة لشهر رمضان لم تعمل بعد بدون وصلة النت ولاكن عملت بكفائة مع الشهور الاخرى فياريت لو فى حل توضحهولنا وجزاكم الله خيرا

    • بعد قراءة تعليق حضرتك اختبرت بنفسى صفحة رمضان ووجدت انها تعمل بكفاءة بدون نت – تماما مثل صفحة الشهور الغير رمضانية
      حضرتك بس جرب تسيفها تانى وان شاء الله تشتغل معاك – ولو ما اشتغلتش حاول تستخدم متصفح جوجل كروم لانه بيسيف صح
      ويسعدنى انك وجدت الآلة مفيدة لك ولزبائنك – وتحت امرك فى اى مساعدة او افكار جديدة

    • معاك حق – التموين بالنظام القديم كان ارخص – لكن النظام الجديد ميزته ان السلع حتكون عالية الجودة – لكن المشكلة ان التموين اصلا ما نزلش عند اى بقال على مستوى الجمهورية – اللهم اجعله خير – انا خايف يكون الحكومة قاصدة تسلم البضاعة للبقالين قبل آخر الشهر بكام يوم عشان غالبية الناس ما تلحقش تصرف حاجة – والناس تفطس من الزحمة يمكن يزهقوا ويبطلوا ياخدوا تموين فتوفر الحكومة مليارات الدعم بدهاء – نفس المخطط دة اتبعوه مع النقل العام من زمان ودلوقتى عشان تركب اتوبيس نقل عام يا اما تنتظر ساعتين يا اما تركب ميكروباص

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *