طاجن مسقعة بالفراخ والباشميل

mskهذا الطاجن مالوش حل – لذيذ وخطيييييييير! استوحيته من طاجن moussaka اليونانى الشهير لكن مع بعض التغييرات من ابتكارى ليصبح لذيذ اكتر – جربوه وان شاء الرحمن حتدعولى!

المقادير

  • 2 كيلو باذنجان رومى
  • 2 كيلو طماطم
  • 1 ثمرة فلفل رومى اخضر
  • 3 ملاعق كبيرة خل
  • فرخة
  • 2 بصلة كبيرة
  • 3 فصوص ثوم
  • كوب حليب
  • 200جم جبنة شيدر مبشورة
  • ملح وفلفل – كبابة صينى – ورق لورا مطحون – حبهان مطحون

الطريقة

  • نقطع الفرخة 4 ارباع وننقعها ليلة فى ماء مذاب فيه 4 ملعقة صغيرة ملح
  • فى اليوم التالى نصفى الفرخة من ماء النقع ونشطفها ثم نسلقها فى ماء
  • نضرب البصل والثوم والفلفل الرومى وحبتين طماطم والخل فى الخلاط مع قليل من الماء حتى يصبح عصير ثم نصبه فى حلة الفرخة ونضيف التوابل ونقلب ثم نغطى الحلة
  • بعد 20 دقيقة من غليان الفراخ نطفى النار ونتركها مغطاة 20 دقيقة أخرى
  • نخرج قطع الفراخ فى صينية ونتركها تبرد ثم نخليها من العظم ونقطع اللحم شرائح
  • نصفى الشوربة ونقلب الفتافيت المستخرجة من الشوربة مع شرائح الفراخ
  • نقطع الباذنجان شرائح ونضعه فى مصفاة ونرش على الشرائح ملح طبقات فوق بعض ونضع فوقهم ثقل ثم نغطيها ونتركها فى الشمس وتحتها صينية لتنزل السوائل فيها 3 ساعات او اكثر
  • نشطف شرائح الباذنجان ونجففها ثم نحمرها فى الزيت
  • نقطع الطماطم شرائح

عمل الباشميل

  • نضع 3 ملاعق كبيرة دقيق و3 ملاعق كبيرة سمن فى وعاء على النار مع التقليب بمضرب سلك يدوى لمدة دقييقة
  • نصب شوربة الفرخة المصفاة وكوب حليب مع التقليب السريع ونضيف ملعقة صغيرة فلفل اسود ومثلها ملح وربع معلقة صغيرة كبابة صينى مطحونة ونقلب كويس قوى لحصول على باشميل طرى – لو طلع جامد نضيف حليب حتى نحصل على باشميل طرى – أطرى من باشميل المكرونة
  • نضيف الجبنة المبشورة للباشميل بعد رفعه من على النار ونقلب حتى تذوب الجبنة
  • نرص فى طاجن او صينية فرن كبيرة – او صينيتين متوسطين – طبقة باذنجان فوقها طبقة شرائح فراخ بالبصل ثم طبقة شرائح طماطم ثم الباشميل بالجبنة ونقلب الكل مع بعض حتى نغطى كل المكونات بصوص الباشميل من كل ناحية
  • نضغ الصوانى فى الفرن على الرف الاوسط بحيث تكون تحت الشواية العلوية – ونشعل الشواية على نار هادية ونقفل باب الفرن حوالى 10 دقائق الى ان يحمر وجه الصوانى باللون الوردى الفاتح – ونتجنب ان يصبح لونها غامق لتظل طرية
  • تؤكل مع سلطة خضراء وسلطة طحينة او سلطة زبادى بالخيار

أكلة خطيرة ومشبعة جدا – ولا تحتاج معها أى شئ – لا ارز ولا عيش ولا اى حاجة – تؤكل بالمعلقة – هى لوحدها بتلكم – ويا سلام لو تحلوا ببطيخ مثلج عشان يطرى على قلبك بعد الاكلة الدسمة دى!

وبالف هنا وشفا

 

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *