طريقة عمل آيس كريم فى خمس دقائق

ikاليكم طريقتى المفضلة لعمل آيس كريم فى البيت صحى ولذيذ بدون استخدام ماكينة آيس كريم

الطريقة سهلة جداً ولا يشترط ان يكون لديك أى ادوات خاصة سوى خلاط قوى يستطيع جرش الثلج

ولادى بيحبوا الايس كريم دة قوى وبيقولولى انه زى الايس كريم صنداى بتاع ماكونالدز

  • نحضر كيس حليب نصف كيلو ونضعه فى الفريزر حتى يتجمد (من 4 الى 12 ساعة حسب قوة التبريد عندك) – مع فرد الكيس نائما عشان يبقى سهل تقطيعه بعد ما يجمد
  • نخرج الكيس المجمد ونقطع الكيس ونخرج الحليب الى صينية معدن – وباستخدام سكين غليظ نقطع الحليب مكعبات صغيرة
  • نضع مكعبات الحليب المتجمد فى الخلاط مع 3 معالق كبيرة سكر وربع ملعقة صغيرة فانيليا – ونضرب الكل من خلال نبضات وليس مرة واحدة – الى ان يصبح الحليب كله ناعماً وليناً
  • نصب الحليب فى علبة بلاستيك واسعة ونفرده فى قعرها ثم نغطى العلبة ونضعها فى ارضية الفريزر – ونضع فوق غطاءها أى مجمدات من الفريزر للاسراع فى تجميد الحليب قبل ان يسيح
  • بعد ان يتجمد الحليب مرة أخرى يصبح الآيس كريم جاهز للتقديم – نستخدم معلقة كبيرة فى كحت طبقة من وش الايس كريم ثم نضعها فى كوب ونكرر كحت طبقة أخرى وهكذا – ولا نغرف قطعة كبيرة مرة واحدة
  • بعد ملئ كوب الايس كريم نصب عليه صوص شيكولاتة (اختيارى)

صوص شيكولاتة للايس كريم

المقادير

  • 2 معلقة كبيرة كاكاو خام
  • كوب حليب
  • 3 معالق كبيرة سكر
  • 1 او 2 معلقة كبيرة زبدة او سمن بلدى

الطريقة

  • نضع فى كوب ملعقتين كبار كاكاو خام وبضع قطرات من الحليب ونقلبهم لعمل عجينة
  • نضيف حليب بالتدريج ونقلب الى ان يتملئ الكوب بالحليب
  • نصب الكوب فى وعاء على النار ونضيف 3 معالق كبيرة سكر ومعلقة زبدة او سمن بلدى ونستمر فى التسخين حتى تسيح الزبدة ويذوب السكر تماما
  • نكسر قالب شيكولاتة ونضعه فى الوعاء ونقلب حتى يسيح
  • نترك الصوص ليبرد قليلا (يجب ان يكون الصوص سائل لكن متماسك – لو وجدناه خفيف نضع ملعقة ثانية من الزبدة او السمن ونسيحها مع التقليب)
  • نصب الصوص فى برطمان زجاج ونغطيه ونحفظه فى الثلاجة – ونصب منه على اكواب الايس كريم قبل التقديم  – يجب رج البرطمان اولا (برطمان صوص الشيكولاتة يكفى مرات كثيرة جداً)

وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

4 تعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *