بعتلك رصيد بالغلط – طريقة نصب جديدة

ناس كتير بتستخدم طريقة النصب دى: تجيلك رسالة تقولك لقد تم تحويل 20 جنيه من رقم كذا – وبعدين واحد يتصل بيك ويقولك معلش انا بعت لك رصيد بالغلط لو سمحت ابعتهولى

والحل بسيط عشان تعرف اذا كان المتصل صادق ام نصاب: افتح الرسالة وشوف المرسل – لو التحويل حقيقى حيكون المرسل هو شركة الاتصالات اللى انت مشترك فيها – اتصالات او فودافون او موبينيل – اما لو المرسل هو رقم موبايل الشخص اللى اتصل بيك يبقى نصاب

بس خدوا بالكوا – مش كل الناس نصابة – فى بعض الحالات بيكون حد بعت رصيد بالغلط فعلاً – حصلت مع ولادى قبل كدة – اللى يعرفك هو رسالة التحويل مبعوتة من مين – لو شركة الاتصالات بتاعتك يبقى التحويل حقيقى ومفيش نصب ولا اى حاجة – وفى الحالة دى نحول للشخص الرصيد اللى بعته غلط

النصابين دول بيعملوا كدة طول اليوم – مثلا يتصلوا بالف واحد – لو 10 بس انخدعوا يبقى كدة كسب 200 جنيه من النصب على الناس – فاحذروا النصابين دول – ولو اتصل تانى بدل ما تشتمه انصحه لوجه الله انه يشوف له طريقة حلال للرزق وان فلوس النصب حرام وربنا مش ممكن يبارك له فيها مهما كسب منها – ولا حول ولا قوة الا بالله – ربنا يهدى الجميع ويرزق كل الناس بالحلال يارب

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *