خلطة فيجيتار بيتى

ken

اليكم طريقة سهلة جداً لتحضير خلطة فيجيتار بيتى تغنينا عن شراء الجاهز

المقادير

  • نصف كوب دقيق  (او كورن فليكس مجروش للفراخ الكريسبى)

معلقة صغيرة من كل من:

  • بهارات
  • ملح
  • فلفل
  • بودرة ثوم
  • بودرة بصل
  • بقدونس مجفف

نصف معلقة صغيرة من كل من:

  • ملح صينى
  • جنزبيل
  • قرفة
  • بابريكا
  • ورق لورا مطحون
  • كبابة صينى
  • شطة (اختيارى)

cris

نخلط كل المكونات مع بعض ثم نحفظ الخلطة فى برطمان – ونأخذ منه معلقة كبيرة لكل 4 معالق كبيرة من البقسماط المطحون اللى حنتبل بيه الفراخ البانية او الكينتاكى ونقلبهم كويس مع بعض – نغمس اولا قطعة الفرخة الفيليه النيئة فى بيض مضروب ثم نخرجها من البيض ونقلبها فى البقسماط المختلط بخلطة الفيجيتار البيتى – ونرصهم فى طبق بجانب بعض استعداداً لتحميرهم فى زيت ساخن – بالنسبة للفراخ بالعظم او الكينتاكى يفضل تقطيع الفرخة 10 قطع ثم سلقها اولا ربع ساعة – ثم نترك الحلة مغطاه 20 دقيقة لتكمل سواها فى الشوربة الساخنة – ثم نصفيها تماما من الشوربة ونتبلها بالبيض ثم الفيجيتار البيتى ونقليها فى زيت ساخن – ونلاحظ اننا لو عايزين الفراخ كريسبى (مقرمشة) نستبدل الدقيق بكورن فليكس مجروش (بس نتأكد انه كورن فيكس سادة مش مسكر)

طبعاً صدور الفيلية لا تحتاج ان نسويها قبل تحميرها – اما لو فرخة كاملة يبقى الأفضل نسلقها خفيف الاول – لمعرفة أفضل طريقة لسلق الفراخ بحيث تكون متماسكة وفى نفس الوقت تذوب فى الفم ذوبان اضغط هنا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *