خدمة تصحيح اجابات الانجليزى English

خدمة مجانية لتصحيح اجاباتك – الاول جاوب وبعدين صور الاسئلة اللى جاوبت عليها بواسطة الماسح الضوئى لخدمة Google Drive – أى صفحة اسئلة من كراسة او شيت او كتاب بتذاكر منه – وبعدين ضع رابط صورة الاسئلة اللى فيها اجاباتك هنا فى التعليق بتاعك –  وانا اصحح لك اجاباتك وأرد عليك

باختصار – مطلوب منك 3 خطوات:

  1. جاوب أولاً على صفحة الاسئلة اللى عايزنى اصححها لك من كتاب او ورق
  2. استخدم موبايلك وخدمة المسح الضوئى التى توفرها لك جوجل – فى تصوير اجاباتك ورفعها تلقائياً لحسابك فى جوجل درايف (الطريقة سهلة: اضغط هنا لمعرفة الخطوات)
  3. ضع فى تعليقك رابط الصورة اللى حصلت عليه من جوجل درايف – لكى أتمكن من قراءة الاسئلة واجاباتك عليها – وباذن الله سأقوم بالرد عليك بعد تصحيح اجاباتك

 

الاسئلة المكتوبة بالكيبورد انا كنت بجاوب عليها من قبل – لكن لقيت ان تصوير الاسئلة ورفعها بعد ما تجاوب عليها اكثر فائدة للطالب ويختصر وقتك ووقتى – لذلك الان يشترط ان تتبع طريقة “جاوب – صور- ارسل الرابط” عشان تحصل على رد وتصحيح لاجاباتك

أما لو كان سؤالك من كتاب GEM 2015 للصف الثالث الثانوى – فمن فضلك ما تكتبوش هنا – لان انا عامل لكم موضوع مخصوص عنه – اضغط على الرابط التالى:

الاجابات النموذجية لكتاب GEM 2015 للصف الثالث الثانوى

مع تمنياتى للجميع بالنجاح والتفوق باذن الله

364 تعليق

    • أهم نصيحة انك تزودى حصيلتك اللغوية وتحفظى التعبيرات – الكتب الخارجية مليانة تعبيرات كتير جميلة احفظيها وتدربى على استخدامها فى جمل – وهنا فى قسم الثانوية العامة حتلاقى مواضيع كتير عن الترجمة حتساعدك

    • انا علشان اخلى نفسى حلو فى الترجمة يا فرح .. حفظ كلمات كتيرة وبالذات كتاب Surprise فيه كلمات كتيره فى اخر الكتاب وتعرفى قواعد الترجمة علشان ممكن تحفظى الكلمات كلها بس متعرفيش تربطيها … وحلى كتير واتاكدى من المستر بتاعك والا مش تعرفيه قوليه للمستر 🙂

    • حأقولك على نصيحة – عودى نفسك تتفرجى على افلام اجنبى من غير ما تقرى الترجمة – مع الوقت حتبدأى تفهمى المعنى من سياق القصة وكدة حتركزى اكتر فى اللغة وطرق استخدامها – وبعد ما تشوفى فيلم عجبك هاتى من النت الحوار بتاعه subtitles هاتى الحوار بالانجليزى والحوار بالعربى – ممكن تنزلى subtitles عربى وانجليزى لأى فيلم من موقع subscene.com – وافتحيهم الاثنين – واقرأى جملة انجليزى وبعدين اقرأى ترجمتها بالعربى – المهم تختارى افلام انتى بتحبيها عشان تبقى مستمتعة ما تزهقيش – مع الوقت حتبقى هايلة ان شاء الله فى الترجمة وفى الانجليزى كله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *