كفتة حاتى فى الفرن من اسرار الكبابجية

مهما عملنا كفتة فى البيت بنلاقى ان كفتة الحاتى أطعم – لكن بعد ما تعرفوا هنا اسرار الكبابجية حتقدروا تعملوا كفتة حاتى ولا احلى كبابجى

سر كفتة حاتى الكبابجية يتخلص اولا فى اضافة لية ضانى للحم المفروم – لاكساب اللحمة المفرومة طعامة الشوى الضانى – وثانيا اضافة ارز مطحون لمنع تسرب السوائل من الكفتة أثناء الشوى فلا تكش بل تطلع كماهى بنفس الجحم ولاتهرب منها طعامة اللحمة


المقادير

  • كيلو لحم كندوز مفروم
  • ثمن كيلو لية ضانى
  • نصف كيلو بصل
  • 300جم ارز مطحون ناعم
  • 2 معلقة صغيرة ملح
  • 2 معلقة صغيرة فلفل اسود
  • معلقة صغيرة ملح صينى
  • نصف معلقة صغيرة كبابة صينى
  • ثمن معلقة صغيرة قرفة
  • 4 معالق زيت
  • 4 معالق خل
  • 2 بيضة
  • نصف معلقة صغيرة بيكربونات


الطريقة

  • نطحن الارز فى مطحنة التوابل حتى يصير ناعم
  • نفرم البصلة مع البيض والخل فى الكبة ثم نضيف اللية والرز والتوابل ماعدا البيكربونات ونضربهم مع بعض كويس
  • نخلطهم مع باقى اللحمة فى طبق كبير ونعجنهم مع بعض باليد كويس قوى
  • نترك الطبق مغطى فى الثلاجة ليلة او 8 ساعات
  • نرش البيكربونات على اللحمة ونقلبها كويس وبعدين نصبع الكفتة 40 صباع على سيخ أو يد معلقة خشب مستديرة او قلم رصاص – ونرصهم فى صينية
  • نضع الصينية فى الرف العلوى – مع وضع ورقة فويل تحت الصينية حتى لا يحترق قعر الصوابع ونضعها فى الفرن على درجة 180 لمدة نصف ساعة – ثم نخرج الصينية ونقلب الكفتة على ظهرها ونعيدها للفرن نصف ساعة كمان – ثم نخرجها وتقدم فوراً فى طبق مفروش بالبقدونس مع سلطة طحينة

لمعرفة طريقة جميلة لسلطة الطحينة اضغط هنا

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *