أحلى سمك تشويه فى بيتك

السمك المشوى طعمه لا يقاوم – لكن هل جربت تشوى سمك فى البيت؟ – شوى السمك من أسهل ما يمكن وانا هنا حأقدم لكم طريقتين – الاولى باستخدام شواية بوتجاز – والطريقة الثانية باستخدام الشواية العلوية لفرن البوتاجاز

  • انا بستخدم شواية اسمها Crystal Oven ويوجد منها مصرى شكلها كدة:

لحمة موزة بالبصل والبطاطس المشوية

لحمة موزة بالبصل والبطاطس المشوية

سعرها عند بتوع الادوات المنزلية حوالى 45 جنيه

الطريقة

نشترى سمك متنظف – اى منزوع القشر والزعانف والأحشاء – بلطى او أى نوع تفضلونه – لو ماكريل او تونة لن نحتاج الى تنظيفها ولا فتحها – فهى تشوى مقفولة كما هى لانها نظيفة ولا توجد بها قشر – ونضعه على شبكة الشواية – بدون أى اضافات ولا خضره ولا توابل ولا جنس شئ

نضعه على نار عالية جدا على البوتاجاز حتى يبدأ جلده فى الاحتراق ثم نقلبه على الوجه الآخر حتى يحمر هو ايضاً

بس كدة خلاص – يقدم ساخن مع أرز ابيض مطهى على البخار – يعنى مسلوق بالماء فقط وقليل من الملح

لا نضيف للسمك أى شئ – ولا حتى ملح أثناء الأكل – فهو مظبوط طبيعى وطعم لحمه المشوى لا يجب التغطية عليه بأى نكهة دخيلة تضيع جمال نكهته الرائعة – جربوا وحتدعولى (نفس الطريقة تستخدم مع الجمبرى بقشره – طعم جناااااان)

واذا كانت الشواية غير متوفرة عندكم حأقولكم على طريقة تانية جميلة جدا برضه

الشوى تحت شواية البوتاجاز

لو فرن البوتاجاز بتاعك يوجد فيه شواية علوية اليكم طريقة اخرى سهلة جدا

  • نضع السمك فى صينية الومنيوم او تيفال
  • نضع رف الفرن فى المنتصف ثم نشعل الشواية ونغلق باب الفرن
  • نضع الصينية على عين بوتاجاز عالية خمس دقائق لتسخين قعرها وتسخين السمك من تحت
  • ثم نضع الصينية تحت الشواية ونغلق باب الفرن لمدة 20 دقيقة
  • نخرج الصينية حناكل احلى سمك مشوى بطعم خيالى
  • لاحظوا اننا محطيناش اى شئ على السمك – لا توابل ولا ملح ولا خضروات من اى نوع

وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

2 تعليقان

    • ممكن تقفليه او تسيبيه مفتوح
      لو بتحبى السمك طرى اقفلى الغطا
      لو بتحبيه ناشف وجاف افتحى الغطا
      مع ملاحظة اننا لما نغطيه بيطلع دخان كثير جدا
      لتجنب الدخان نترك الشواية مفتوحة
      شرفتينى بزيارتك – واهلا بحضرتك فى اى وقت

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *