مش بالزبادى


زوجتى العزيزة بتشترى مش بلدى من الأسواق الشعبية وبتحضره للأكل بأن تضع جزء من المش فى علبة وتقلب معاه شوية طحينة وشوية زيت – بيكون طعمه تحفة
لكن المشكلة إنه بيتعبنى لو أكلته فى العشاء ونمت بعدها – بسبب الطحينة والزيت
وده دفعنى لإنى أجرب طريقة جديدة تكون أخف على المعدة بالذات بالليل – وطلع الطعم هايل وبيعمل كمية أكبر بكتير
إليكم إكتشافى الخطير – المش بالزبادى

المفادير
2 ملعقة كبيرة مش بلدى خام – بنى اللون
2 كوب زبادى سادة

الطريقة
فلب المش مع الزبادى جيدا فى علبة بلاستيك – ثم غطيها وإحفظها فى الثلاجة لوقت الإستخدام
لو بتحبوا الطعم حادق أكثر – أو لو المش غير معتق – ممكن تزودوا نصف ملعقة مش أو ملعقة كاملة حسب الرغبة
الخلطة دى هايلة لعمل السندويتشات مع حلقات طماطم طازجة – أو تتغمس مع عيش بلدى مقمر ومناسبة لوحدها أو لو غاويين زيى جبنة أو حاجة حرشة جنب الأكل – فطار أو غداء أو عشاء

جربوها وإن شاء الله حتدعولى
وعلى فكرة لو تحبوا تعملوا زبادى فى البيت يكون أنظف وأطعم – جربوا الطريقة دى

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

One Comment

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *