عداد يحسب استهلاك النت اليومى لمستخدمى USB Modem

اذا كنت من مستخدمى اليو اس بى مودم – من اتصالات او فودافون او موبينيل – فمن المهم انك تعرف كمية الميجات bandwidth اللى بتستخدمها كل يوم عشان تعرف اذا كنت بمعدل استخدامك الحالى للنت حتخلص رصيدك الشهرى وللا حيكفيك باقى الشهر

يوجد برنامج صغير رائع يقدر يحسب لك استهلاكك كل يوم ويبين لك استهلكت كام ميجا كل يوم فى اشتراكك الشهرى وكام  ميجا فى الشهر – وقد جربت برامج كتير ولقيت ان افضلهم وأدقهم هو البرنامج دة

البرنامج بيظهر لك – فى شباك صغير اسفل الشاشة بجوار الساعة – استهلاكك من الكيلو بايتس او الميجابايتس الآن – واليوم – وهذا الشهر – وممكن الشباك يفضل ظاهر طول الوقت عشان تعرف بالظبط كل صفحة او اى نشاط على النت بيستهلك كام فى نفس ذات اللحظة – او ممكن تخفيه لو عايز – وتظهره فى اى وقت بضغطة واحدة من الماوس

مهم جدا

بعد ما تصطب البرنامج حيظهر لك شباك به اختيارات كثيرة لطرق الاتصال – مهم جدا انك تختار اليو اس بى مودم بتاعتك وتشيل كل العلامات اللى متعلمة على باقى طرق الاتصال بالنت – مثلا لو بتستخدم فلاشة اتصالات – علم على Etisalat Internet فقط وشيل باقى العلامات كلها

ولو انت على نظام اتصالات منجز ماكس 25 – خد بالك انك لو وصل استهلاكك فى الشهر الى 2 جيجا – 500 ستريمنج وشات ويوتيوب – و 1500 تصفح – سرعتك حتقل الى الربع – بدلا من 512 ك ب حيخلوها 128 – وعند 2 ونص جيجا حتقل النص وتبقى 64 – وعند 3 جيجا حتقل النص تانى وتبقى 32 ك ب – وعشان ماتوصلش للسرعات الخنيقة دى يا اما تحاسب فى استهلاكك وتقتصد – متبعا نصائحى اللى كتبتهالكوا فى موضوع سابق تجده على اليمين – او تستخدم شريحة تانية تشحنها وتكمل بيها الشهر بالسرعة العالية 512 ك ب – يعنى نص الشهر على شريحة والنص التانى على شريحة تانية – ودة حيكلفك 50ج فى الشهر عشان تفضل مستمتع بسرعة عالية طوال الشهر

(لاحظ ان سرعتك بتعتمد الى حد كبير على قوة اشارة الشبكة اللى انت مشترك فيها – لو اتصالات قوية عندك يبقى تمام لانها احسن الثلاث شركات – لو ضعيفة استخدم فودافون او موبينيل – المهم انهى شبكة اشارتها اقوى عندك)

البرنامج صغير – 3 ميجا فقط – لتنزيله الآن اضغط هنا

One Comment

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *