طريقة استخدام منجز ماكس فى موبايل سامسونج S2

لو عندك يو اس بى مودم منجز ماكس وعايز تستخدمها فى موبايل اندرويد – اليك الطريقة – انا هنا حأشرح على موبايل سامسونج جلاكسى S2 – بس الطريقة متشابهة على كل اجهزة اندرويد تقريبا

افتح ظهر اليو اس بى (توجد فتحة صغيرة فى الاسفل – دخل فيها ظفرك او اى حاجة لها سن رفيع) وخد شريحة الداتا من جواها – وحطها فى الموبايل بدلا من شريحة التليفون

  • Settings
  • تحت Wireless & Networks اختار ..More
  • Mobile Networks
  • Access point names
  • اضغط على الزر الشمال تحت فى الموبايل واختار reset to default
  • حياخد شوية وقت – ولما يخلص اضغط على نفس الزر تانى واختار المرة دى New APN
  • فى اول خانة اكتب اسمك او اى اسم يعجبك
  • فى الخانة التانية APN اكتب الاتى بحروف صغيرة وماتنساش النقطة فى النص بين الكلمتين
  • internet.etisalat
  • (او اليو اس بى بتاعتك فودافون او موبينيل اتصل بيهم عشان تعرف السطر دة تكتب فيه ايه)
  • اضغط على الزر الشمال تحت فى الموبايل واختار Save
  • فى قائمة ال APN حتلاقى الاسم اللى اخترته – علم فى الدايرة اللى جنبه

كدة شريحة الداتا حتلقط معاك نت

بس طبعا الموبايل مش حينفع يستقبل ولا يطلب مكالمات – الا لو شلت شريحة الداتا ورجعت شريحة التليفون

وممكن تخللى الموبايل يشتغل كإنه راوتر واى فاى يشغل الاجهزة اللى حواليك – الطريقة كتبتها لكم هنا

 

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *