نظام الدراسة لطلاب الصف الثانى الثانوى العام

اليكم تفاصيل نظام الدراسة المطبق حالياً على طلاب الصف الثانى الثانوى العام

أولاً مواد مقررة على القسمين العلمى والأدبى

  1. اللغة العربية على ترمين: 24+24+12 درجة أعمال سنة = 60 درجة (النجاح من 30)
  2. اللغة الانجليزية على ترمين 20+20+10 درجات اعمال سنة = 50 درجة (النجاح من 20)
  3. اللغة الاجنبية الثانية على ترمين 12+12+6 درجات اعمال سنة = 30 درجة (النجاح من 12)
  4. الجبر على ترمين 8+8+4 درجات اعمال سنة = 20 درجة (النجاح من 8)
  5. التفاضل وحساب المثلثات على ترمين 8+8+4 درجات اعمال سنة = 20 درجة (النجاح من 8)

ثانياً مواد تخصصية

مواد مقررة على القسم العلمى

أحياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

كيمياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

فيزياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

ميكانيكا ترم واحد: 16+4 درجات اعمال سنة = 20 درجة (النجاح من 8)

مواد مقررة على القسم الأدبى

تاريخ ترم واحد: 16+4 درجات اعمال سنة = 20 درجة (النجاح من 8)

جغرافيا ترم واحد: 16+4 درجات اعمال سنة = 20 درجة (النجاح من 8)

علم نفس واجتماع ترم واحد: 16+4 درجات اعمال سنة = 20 درجة (النجاح من 8)

فلسفة ومنطق ترم واحد: 16+4 درجات اعمال سنة = 20 درجة (النجاح من 8)

كل المواد السابقة تدخل فى المجموع

المجموع من 260 والنجاح من 130 (علمى او ادبى زى بعض)

ثالثاً مواد مقررة على القسمين العلمى والأدبى خارج المجموع

  1.  تربية دينية
  2. مواطنة وحقوق انسان
  3. تكنولوجيا معلومات واتصالات

يشترط فى تلك المواد الثلاثة النجاح فقط ولا يضافوا الى المجموع الكلى

قرار الوزير التالى تم تعديل المادة رقم 3 فيه – وهى التى كانت تنص على ان الطالب له الحق فى التحويل الى الشعبة الأخرى (من علمى الى ادبى او العكس) خلال أول 30 يوم من بدء الدراسة – والتعديل الجديد جعل هذا الحق ممتد طوال الترم الأول بشرط أن يكون التحويل قبل بدء امتحانات الترم الأول

تحديث

كثير من اعزائى الطلبة يسألون عن درجات الترم الاول فى المواد الغير منتهية – مثل الجبر والتفاضل والعربى واللغات – وأحب أطمئنكم كلكم أنه فى تلك المواد مفيش سقوط ولا ملحق فى الترم الاول فى تلك المواد – حتى لو جبت صفر – المهم هو مجموع آخر السنة – يعنى مجموع الترم الاول + الترم الثانى + اعمال السنة
هناك شرطان للنجاح فى تلك المواد الغير منتهية (اللى بتكمل معانا فى الترم الثانى) :

  • الشرط الاول ان تكون درجة الطالب فى الترم الثانى  على الاقل ربع درجة الامتحان التحريرى (يعنى لو طالب جايب الدرجة النهائية فى الترم الاول وفى اعمال السنة لكن جاب اقل من الربع فى الترم الثانى – كدة يبقى عنده ملحق – اما العكس لو جاب صفر فى الترم الاول مفيش مشكلة طالما حقق الشرطين المذكورين)
  • الشرط الثانى الا يقل المجموع الكلى (الترم الاول + الترم الثانى + اعمال السنة) عن 40% – أى 8 من 20 – ما عدا العربى النجاح من 50%

لمزيد من التفاصيل وقراءة قرار الوزير اضغط هنا

337 تعليق

    • لا يوجد حد ادنى مذكور فى القرار الوزارى بخصوص اعمال السنة – مذكور فقط حد ادنى للعملى 1 درجة وللامتحان التخريرى آخر السنة 3 درحات – وحد ادنى للمجموع الكلى 8 درجات

  1. شكرا لحضرتك .. يعنى كدا الطالب لو جاب اقل من 2 ف اعمال السنة عادى ؟

    • حسب القرار الوزارى طالما جبت 1 درجة فى العملى و3 فى النطرى بالترم الثانى والمجموع الكلى 8 تبقى ناجح

      • من فصلك لو طالب في امتحان الشهر اكتوبر في الكيمياء جاب 3.5 من 10 وشهر نوفمبر جاب 3 من 10 المدرس بديله اعمال سنه ولا ﻷ ولو مفيس اعمال سنه لازم يجيب كام في امتحان الترم عسان ينجح. الطالب مش بياخد درس مع المدرس

        • للنجاح فى مادة الكيمياء هناك 3 شروط:
          – الا تقل درجة العملى عن 1 من 4
          – والا تقل درجة الامتحان النهائى عن 3 من 12
          – والا يقل المجموع الكلى عن 8 من 20
          اذن درجات اعمال السنة ليست من شروط النجاح حتى لو حصل على صفر فيها – لكن هذا يتطلب تعويض ذلك فى الامتحان التحريرى بالحصول على 7 درجات من 12 على الاقل + درجة واحدة فى العملى على الاقل

    • انا خايف من الرياضه عامتآ انا هدخل علمي علوم يعني مش هدرس رياضه كنت عاوز اعرف بس اعمل ايه عشان اعدي ف الترمين………. يا ريت الرد السريييع

  2. الرياضة النرم الاول ادني درجة عشان النجاح ايه ؟ واللغة الاجنبية الثانية ادني درجة نجاح ايه في الترم الاول ؟

  3. كم درجة اعمال السنة فى مادة الميكانيكا. ؟ .. علشان لو حد عايز يعرف درجته الحقيقية فى المتحان ؟؟

  4. هو لو حد جاب في الترم الاول في الماده الاجنبيه الثانيه 3 المفروض يجيب الترم التاني كام للنجاح ؟؟

    • النجاح فى اللغة الاجنبية الثانية من 12 – بما فيهم اعمال السنة
      اعمال السنة من 6 – لو جبتى 6 فى اعمال السنة يبقى محتاجة 3 فقط فى امتحان الترم الثانى عشان تنجحى
      لكن لا تعتمدى على ذلك – الا اذا استطعتى ان تعرفى من المستر حيحسب لك كام اعمال سنة – وتكونى متأكد
      واذا لم تتأكدى فافترضى انه اعطاك نصف الدرجة – 3 درجات – يبقى لازم تجيبى 6 من 12 فى الترم الثانى عشان تنجحى

  5. لو سمحت هو توزيع درجات الامتحان بيبقي ازاى يعنى كل سؤال عليه كام درجة ؟

  6. هو انا لو جايبه ٤ ونص في الجبر الترم الاول مفروض اجيب كام في الورقه الترم التاني عشان انجح ؟

    • أقل درجة تنجحى بيها فى الترم الثانى 2 درجة – بس بشرط تكونى جايبة 1.5 درجة من 4 على الاقل فى اعمال السنة – كدة يبقى مجموع الجبر:
      4.5 + 2 + 1.5 = 8 درجات يعنى ناجحة باذن الله
      اما لو على اسوأ الفروض جايبة صفر فى اعمال السنة تبقى محتاجة تجيبى 3.5 من 8 فى الترم الثانى
      بالتوفيق ان شاء الله

  7. والطالب بيسقط ف تفاضل لواحدها او جبر لواحدها ولا بيتجمعو الاتنين مع بعض ويسقط ف الرياضيات ككل .. لا سمح الله بس عشان نوضح الحاجات 😃

    • الجبر مادة منفصلة عن التفاضل – كل مادة النجاح فيها من 8 من 20
      الحد الادنى للنجاح فى امتحان الترم الثانى 2 درجة من 8
      المادتين مستقلتين ولا تجمع درجاتهم – ممكن طالب ينجح فى الجبر ويرسب فى التفاضل لا قدر الله او العكس
      بالتوفيق ان شاء الله

  8. انا جايب 1.5 في الجبر و 2.5 في حساب المثلثات و اعمال سنه 3 انا محتاج كام في الترم الثاني علشان انجح

    • الجبر له اعمال سنة والتفاضل له اعمال سنة
      لو جايب 3 اعمال سنة فى الجبر يبقى تنجح لو جبت 3.5 درجة
      لو جايب 3 اعمال سنة فى التفاضل يبقى محتاج 3 درجات اخر السنة

  9. طيب اانا لو جايب 5.5 فى التفاضل ومعايا 3 اعمال سنة محتاج كام درجة
    التيرم التانى

    • انت محتاج تجيب 2 فى الترم الثانى مش عشان مجموعك – لان النجاح من 8 وانت بالفعل جايب 8.5 – لكن عشان النهاية الصغرى لامتحان الترم الثانى درجتين

          • هو لو جاب 1.5 في الترم الاول ممكن يعوض الترم الثاني. بس لو جايب درجه تنجح الترمين في الترم الاول وجاب 1.5 في الثاني يجيب ملحق اذاي

          • حسب القرار الوزارى (دوس على الرابط اسفل الموضوع) الشرط الثانى للنجاح هو شرط الحصول على ربع درجة امتحان الترم الثانى على الاقل – حتى لو جبت 8 من 8 فى الترم الاول وفى الترم الثانى جبت اقل من 2 تشيل المادة

  10. هو درجة نجاح ملحق الكميا ثانيه ثانوي من كام بليز الرد بسرعه اﻷمتحان يوم 5

  11. هو انا لو جايب 1 ف الجبر و 4 تفاضل ومثلثات المفروض اجيب كام التيرم التاني عشان اعدي لو سمحت ارجو الرد؟ :\

    • فى الجبر محتاج تجيب 8 آخر السنة جبت 1 فاضل 7 – لو المستر حط لك 4 درجات اعمال سنة يبقى محتاج تجيب 3 فى امتحان الترم الثانى – لو اداك اقل فى اعمال السنة اطرح اعمال السنة من 7 يبقى دى الدرجة الى محتاج تجيبها فى الامتحان
      اما فى التفاضل فمحتاج 4 درجات بما فيهم اعمال السنة بشرط متقلش درجتك فى امتحان الترم الثانى عن 2 (الحد الادنى لامتحان الترم الثانى)

      • هو تقريباً ممكن يعطي لكلة ال 4 درجات لإنة مكنش بيخوشلنا خالص عشان المدرسة جديدة ومكنش فيه غيرة

        • لو مش متأكد 100% من درجة اعمال السنة يبقى الاسلم انك احتياطى تعتبرها 2 وتحسب على الاساس دة – يبقى هدفك انك تجيب 5 من 8 فى امتحان الترم الثانى فى الجبر

  12. الرياضة دي ارخم حاجه، كل المواد تمام إلا هي دايماً بطنشها وبقع فيها
    ربنا يستر وشكراً اوي 😀

  13. السلام عليكم ورحمة الله وبركاتة
    اود بالاستفسار من حضرتكم عن الاتي:
    ما هي اللوائح والقوانين التي تطبق على طالب (ثانية ثانوي)بخصوص غيابه بسبب ظروف طارئة اثناء الامتحانات النظرية لاخر العام ..
    ارجو الرد .. وشكرا 🙂

Comments are closed.