برجر بيتى جنان وسهل جدا

تحديث

الطريقة دى كتبتها من زمان – ولم أعد استخدمها لانى باعمله دلوقتى بطريقة أحلى بكثير – الطريقة الجديدة هنا:
http://my2cents.gawaher.com/7990

===============================

البرجر الجاهزسواء من مطاعم الوجبات السريعة او المجمد من السوبرماركت يحتوى على نسبة قليلة من اللحم ومعظمه فول صويا ومواد حافظة والوان صناعية وكيماويات ضارة بصحتك

أفضل شئ هو عمل برجر بيتى صحى بلا أى اضافات صناعية او تجارية ضارة

اليكم طريقة سهلة وسريعة لعمل برجر بيتى شهى ولذيذ

المقادير (تكفى لعمل 40 قرص برجر)
نصف كيلو بصل
4 فصوص ثوم
2 بيضة كبيرة
4 ملعقة كبيرة صلصة
4 ملعقة كبيرة خل
2 ملعقة صغيرة عسل نحل
ملح وفلفل وبهارات
ربع م ص شطة
نقشر البصل ونضربه مع كل ما سبق فى الخلاط
ثم نعجنهم مع نصف كيلو لحم مفروم وكوب بقسماط مطحون
نترك الخليط نصف ساعة ليتشرب ويتماسك فى الثلاجة – ثم نفرد ورقة فويل عرض 40سم وطول 60سم على رخامة المطبخ ونأخذ خليط اللحم من الثلاجة ونعمله على شكل اسطوانى ونضعه على اول ورق الفويل بالعرض ونكمل تشيكله ليصبح اسطوانى – ثم نبدأ نلف عليه ورقة الفويل باحكام حتى آخرها – وفى النهاية نلف طرفى الفويل خلف خلاف مثل لفة البونبونى ونضغط كويس على الأطراف – ثم نضع اللفة فى حلة بخار على نار عالية حتى تغلى ثم نخفض النار لأقل درجة ونتركها مغطاه لمدة ساعة على النار الهادية

بعد ذلك نخرج لفة البرجر باستخدام جوانتى او فوطة مطبخ – ونضعها فى صينية فى الثلاجة حتى تبرد – ثم ننقلها الى الفريزر ونتركها حتى تتجمد لكن ليس لدرجة الصلابة التامة – بعدها نخرج اللفة ونقشر الفويل ونبدأ فى تقطيع البرجر الى شرائح مدورة باستخدام سكين حامى او slicer لو كان عندك – تجميد الاسطوانة يجعلها اسهل فى التماسك عند التقطيع – ثم ضع دوائر البرجر فى طبق فويل بينهم ورق زبدة او بلاستيك حتى لا يلتصقوا ببعض واحفظهم فى الفريزر – المقادير السابقة ستعطيك 40 قطعة برجر باستخدام سلايسر مثل الموضحة فى الصورة التالية

002-001

اقراص البرجر والقطاعة اليدوية slicer اللى نقدر نضبطها على اى سمك نريده – وتظهر فى الصورة هراسة البطاطس اللى بتستخدم للضغط على البرجر أثناء الشوى

اما لو قطعتها بالسكين قبل تجميدها فستعطيك 30 او أقل لأن أجزاء منها ستفرول وتتفتفت

مقادير صوص البرجر اللذيذ

  • نصف كوب زيت
  • 1 صفار بيضة
  • ملعقة كبيرة خل او عصير ليمون
  • ثمن ملعقة صغيرة ملح
  • ذرة فلفل
  • ملعقة كبيرة كتشب
  • ملعقة كبيرة مستردة
  • ربع ملعقة صغيرة بودرة ثوم
  • 4 حلقات خيار مخلل

تضرب كل مكونات الصوص فى الخلاط – ويا سلام لو عندك زجاجة كتشب او مستردة بلاستيك فاضية من النوع اللى له بوز رفيع – نملاها بالصوص بتاعنا وعند الاستخدام نضغط على الزجاجة فتنزل الصوص فى السندوتش بسهولة وبيد واحدة بدل غلبة استخدام معلقة وبرطمان وغطا وايدينا الاتنين
جمال الصوص دة انه بيجمع بين الكتشب والمستردة والمايونيز كلهم فى ضغطة واحدة سريعة وسهلة

 

  • طريقة الطهى

نخرج اقراص البرجر من الفريزر ثم نضعها فى صينية تيفال على نار متوسطة لمدة 3 دقائق – وأثناء الطهى نضغط على البرجر بهراسة بطاطس – انظر الصورة – او اى شئ قعره مستدير حتى نسرع فى طهيه وأيضا حتى يستوى سطحه بالتساوى

ثم نقلبهم على الوجه الآخر 3 دقائق أخرى ونضغط خلالها ايضا على البرجرحتى تعطينا سواء متساوى وسريع

قبل رفع البرجر من الصينية بدقيقة نضع عليه انصاف دوائر رقيقة من البصل وشريحة جبن شيدر اذا كنا نفضل تشيز برجر – ستسيح الجبنة وتثبت البصل فوق البرجر

نجهز الخبز الكيزر بفتحه ووضعه فى صينية الشوى نص دقيقة مفتوح على وجهيه الداخليين حتى يصبح ذهبى اللون – ثم نضع فى نصفه العلوى طبقة من الصوص ثم قطعة خس فوقها حلقة او حلقتين طماطم – ثم نضع البرجر فوقهم ونغلق عليهم النصف السفلى ثم نقلب الكايزر ليصبح البرجر تحت وكل شئ فوقه

على فكرة البرجر بتاعى بيبقى فيه طعم الكتشب منه فيه لوحده – لان مكونات الكتشب داخلة فى الخلطة – فمش محتاين نحط كتشب فى السندوتشات – الا بقى لو بتحبوا كتشب اكتر

استغنوا بوصفتى عن البرجر الجاهز فهو مقلب كما كتبت من قبل – اقرأ التفاصيل بالضغط هنا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *