اتصالات سمارت ADSL محدود وليس غير محدود

كنت بافكر اشترك فى باقة اتصالات سمارت ADSL الغير محدودة – لكن بالاتصال بخدمة العملاء وسؤالهم هل فعلا غير محدودة ام هناك حد اقصى فقالوا لى ان سرعة 512 مسموح لها 20 جيجا فقط فى الشهر بعد استهلاكهم السرعة تنخفض الى 256 باقى الشهر – وسرعة 1 ميجا مسموح لها 40 جيجا فى الشهر وبعد استهلاكهم السرعة تنخفض ايضاً الى 256 باقى الشهر

معنى كدة ان كلمة “غير محدودة” كذب على العملاء وان الواقع غير ذلك تماما – عشان كدة باحذر اى حد عايز يشترك فى اتصالات ياخد باله من الكذبة دى

وفيه احتمال يكون الدى اس ال فى باقى شركات الموبايل بنفس الطريقة برضه – محدودة وليس كما يقولون انها غير محدودة – لكن اللى تأكدت منه فقط هى شركة اتصالات – عشان ما اظلمش موبينيل وفودافون – المهم تتصل بخدمة العملاء فى الشركات دى وتألسهم قبل ان تقرر الاشتراك عندهم

اما شركتى لينك وتى داتا فهم لا يطبقون سياسة الاستخدام العادل – على الاقل شركة لينك مش بتعمل كدة – يعنى بتديلك غير محدود بجد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *