تقييم نظام فودافون حكاوى أهم عشرة

لست من عملاء فودافون – لكنى اشتريت خط فودافون وحولته لنظام حكاوى أهم 10 لأنه أرخص طريقة لو عايز تتكلم مدد طويلة مع صحابك تصل الى 3 ساعات طوال اليوم (أى وقت من 12 بالليل لغاية 6 مساءاً – يعنى خلال 18 ساعة) بجنيه واحد فقط

هذا الجنيه يمنحك 7 دقائق فقط على نظام 14 قرش – يعنى لو عايز تكلم حد أكثر من 7 دقائق يبقى نظام فودافون حكاوى أهم 10 سيوفر لك الكثير – فلو اتكلمت 3 ساعات فى نظام 14 حتتكلف 14*3*60 = 25.20 جنيه!!

لكن نظام فودافون حكاوى أهم عشرة لا أنصحكم بأن تجعلوه الخط الأساسى لمكالماتكم – فهو مفيد فقط بشرط أن يكون لديك خط آخر نظام 14 قرش من أى من الشركات الثلات اتصالات او موبينيل او فودافون – بحيث تستخدم خط حكاوى اهم 10 فقط لما تكون عاوز ترغى كتير وتحكى سواءاً مكالمة واحدة أو أكثر سواء لرقم واحد أو أكثر – المهم يكون من ضمن ال 10 نمر اللى سجلتهم فى نظام حكاوى اهم عشرة – اما المكالمات العادية لباقى الناس فستكون مكلفة على النظام دة – الدقيقة لغير العشر نمر ب 20 قرش فودافون وب 25 قرش للشبكات التانية والأرضى – فالأحسن انك تطلبهم من خط 14 قرش طبعاً – عشان كدة حكاوى اهم عشرة جميل كخط تانى فقط لكنه مكلف لو هو خطك الوحيد – إلا بقى لو كان كل الى بتكلمهم مايزيدوش عن عشر نمر فقط لا غير

للتحويل كلم 880 – تكلفة التحويل 1 جنيه فقط – ومجانا لو الخط جديد وكان التحويل هو الأول لك

والآن اليكم الأكواد التى ستحتاجونها مع نظام حكاوى أهم عشرة

لإضافة رقم
*8077*1*الرقم#
سعر الإضافة قرش واحد لكل رقم

لحذف رقم
*8077*2*الرقم#
سعر الحذف قرش واحد لكل رقم

لمعرف الدقائق المستخدمة
اطلب #4*8077*
السعر قرش واحد

لمعرفه قائمة الارقام المفضله
*8077*5#
السعر قرش واحد

لمعرفة كل أكواد حكاوى أهم عشرة
*8077#
السعر 30 قرش

ملحوظة هامة

ممكن تضيف رقم واحد تستخدمه دلوقتى – وفى أى وقت تضيف أرقام أخرى – الى أن تصل الى عشر أرقام – لكن بعد العشر أرقام أى حذف أو إضافة حتكلفك 3 جنيه فى كل مرة – ودى وسيلة قذرة من فودافون لإبتزاز العملاء وإجبارهم على دفع فلوس مالهاش اى داعى لمجرد انك تحذف رقم او تضيف رقم بعد ما كملت العشر نمر بتاعتك – وهذا وارد طبعاً – عشان كدة نصيحتى انك تخللى نمرتين تلاتة فاضيين للطوارئ

وكمان أنصحكم انكم تستخدموا السبيكر hands-free وتجنبوا وضع الموبايل مدة أكثر من 3 دقائق على الأذن  لخطورة  ذلك على المخ

One Comment

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *