حناكل ايه بكرة؟ جدول يومى لأكلات صحية ومتنوعة

سؤال كل يوم اللى بيحيرنا: حناكل أيه بكرة؟

زوجتى تسألنى هذا السؤال كل يوم وكل يوم نحتار ونفكر طويلاً

لذا فكرت أكتب جدول يومى للأكلات المفضلة بحيث من نظرة واحدة تقرر زوجتى بنفسها الأكلة التى ستطبخها لنا كل يوم بدون حيرة – طبعاً الجدول راعيت فيه التنوع وعدم التكرار – وكمان راعيت فيه أن أكلاته كلها تقريباً صحية – يعنى مفيش أكل محمر بقدر الإمكان – ويومين فى الأسبوع نباتى – ويوم فى الأسبوع سمك ويوم لحمة ويوم فراخ – طبعاً ممكن تضيفوا أى أكلات مفضلة لكم لم تذكر هنا – وياريت تكتبوها فى تعليقكم عشان أضيفها للجدول ليزيد التنوع ونستفيد كلنا من أفكار بعض – الجدول أسبوعى – لكن كل يوم يندرج تحته وجبات مختلفة بحيث لا نكرر نفس الأكل فى نفس اليوم الأسبوع القادم – وإنما نطبخ التالى فى ذلك اليوم – اليكم الجدول (اختار طبخة واحدة من اختيارات اليوم – وبعد اسبوع أختار طبخة مختلفة وهكذا):

السبت يوم الفراخ فراخ بالبصل وارز بنى – بسمتى – ملوخية – سبانخ – طينية بطاطس فرن
الأحد يوم اللحمة فتة – بامية – فاصوليا خضراء – بسلة – قلقاس – قرنبيط – كوسة
الإثنين يوم نباتى فاصوليا بيضاء – كشرى – بصارة – باذنجان مقلى – فول بالسلقعجة و بابا غنوج – محشى
الثلاثاء يوم السمك سمك مقلى مع أرز – مشوى – صينية
الأربعاء يوم المكرونة مكرونة سباجتى باللحمة المفرومة – مكرونة فرن
الخميس يوم نباتى فاصوليا بيضاء – كشرى – بصارة – باذنجان مقلى – فول بالسلق – عجة – محشى
الجمعة يوم الأجازة بيتزاشندوتشات شاورمة – سندوتشات هامبرجر وبطاطس محمرة

ومع كل يوم نقدم طبق سلطة كبييير نراعى أن يحتوى على طماطم وخيار وبصل – ولا ننسى الجرجير أو الخس عشان تبقى أكلة صحية متكاملة

وكما ترون أول 3 أيام: يوم فراخ ويوم لحمة ويوم نباتى – بعدين يوم سمك ويوم مكرونة ويوم نباتى – واليوم السابع أى الجمعة راعيت أنه يوم عائلى ممكن نتجمع فيه كلنا فالأكل يفضل أن يكون سهل تحضيره فى يوم الأجازة وكمان يوكل ناس كتير ونواشف عشان ممكن نخرج وناخذه معانا فى النادى – الحديقة – الكورنيش مثلاً – وسميته يوم الأجازة لإنى فى هذا اليوم أعطى زوجتى أجازة من الطبيخ وبأعمل بنفسى الأكل

أى أفكار جديدة أو إضافية ياريت تكتبوها فى تعليقاتكم حتى نصل الى جدول يرضى جميع الأذواق ويكون فى نفس الوقت صحى ومغذى

2 تعليقان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *