تاوة لعمل الرقاق وخبز الصاج – أين تباع فى مصر؟

تنتشر فى دول الخليج وبالذات فى الكويت قاعدة مستديرة من المعدن السميك جداً – توضع على عين البوتاجاز وتستخدم لعمل الرقاق وخبز الصاج الرقيق اللذيذ بمنتهى السهولة

لكن للأسف التاوة غير موجودة فى مصر – أو على الأقل لم أجدها أو أشاهدها عند أى حد فى مصر – ياريت لو حد يعرف إذا كانت بتتباع فى مصر يقول لنا فين

هذه هى صورة التاوة أو صاجة الخبز

 

15 تعليق

  1. التاوة او الصاجه دى بتتباع فباب الشعريه فشارع اسمه امير الجيوش مشهور قوى هناك بيتباع فيه كل ادوات ومعدات المطاعم هتعرفه من غير ما تسأل حد عليه لانه بيبقا فاول الشارع موجد معدات وادوات المطابخ الكبيره والفنادق بس عشان محدش يضحك عليك هى فى منها نوعين نوع الومنيوم ونوع حديد الالومنيوم تمنها 100ج متجبهاش باغلى من كده والحديد انا عن نفسى جبتها ب 40ج بس كانت موجوده عند واحد بس والاغلبيه عندهم الالومنيوم او الزهر وهناك برضه هتلاقى عصفورة الكريب اللى بتوزع الكريب على الصاجه وتفرده يبقا قرص دائرى بالحجم اللى انت عايزه ودى ب 5 جلسه جايباها امبارح من هناك برضه عشان محدش يضحك عليك
    واى خدمه

    • يا سلام مش عارف اشكرك ازاى يا استاذة لطيفة – جزاكى الله كل خير على المعلومة الرائعة
      انا عارف الشارع دة ومع انى نزلت هناك قبل كدة لكن فشلت فى العثور عليها – هما بيسموها ايه هناك عشان اسأل عليها؟
      بس ياترى التاوة دى ليها شفة او ارتفاع عند الطروف وللا مسطحة تماما؟
      وسمكها أد ايه تقريبا؟ وقطرها كام سنتيمتر؟
      وهل الحديد والالمونيوم نفس السمك؟
      وهل ليها ايد نمسكها منها زى اللى فى الصورة؟
      ياريت حضرتك تصورى اللى اشتيرتيها – وممكن ترفعى الصورة على موقع http://gulfup.com وبعدين تحطى الرابط هنا – اكون شاكر ليكى جدا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *