أرخص سعر مكالمات فى مصر 8 مليم للدقيقة

أرخص سعر للدقيقة فى مصر : 8 مليم للدقيقة!
بإستخدامك خدمة اكسترا بلس من اتصالات سيكون لديك 120 دقيقة تتكلم بيهم خلال 15 ساعة فى الفترة من الساعة 12 بالليل وحتى الساعة 3 العصر – ب1 جنيه فقط
وبهذا يكون سعر الدقيقة = 100 قرش على 120 دقيقة = 8 مليم وثلث
يعنى ال3 دقائق ب 2.5 قرش – والستة دقائق ب5 قروش
ممكن تعمل أى عدد من المكالمات يكون مجموعهم 120 دقيقة

لكن لاحظ الآتى:

  • هذا السعر ينطبق على المكالمات من اتصالات الى اتصالات فقط
  • الإتصال بأى رقم غير أتصالات سيكون بسعر نظامك العادى ولا ينطبق عليه خصم الجنيه حتى لو عملت المكالمة خلال ال15 ساعة
  • يتم خصم الجنية عند طلب أول رقم إتصالات فى فترة ال15 ساعة – يعنى حتى لو اتكلمت دقيقة واحدة خلال ال15 ساعة – برضه حيخصموا منك الجنيه عن ذلك اليوم – لذلك لو كل اللى محتاجه تتصل برقم واحد اتصالات لمدة قصيرة لن تزيد عن خمس دقائق – فالأوفر لك أن تجرى المكالمة من 3 العصر وقبل 12 بالليل
  • اكسترا بلس خدمة دائمة وليست عرض مؤقت
  • للإشتراك أطلب #0*312* – تكلفة الإشتراك 75 قرش
  • لإلغاء الإشتراك فى أى وقت أطلب #01*312*
  • توجد فترات بديلة ممكن تشترك فيها – لكن مكالمات ساعة واحدة مش ساعتين – وخلال 3 ساعات فقط مش 15 ساعة – تفاصيلهم كالتالى..
  • لو الأنسب لك تتكلم ساعة من 3 عصرا الى 6 مساءا  – أطلب #1*312* – تكلفة الإشتراك 75 قرش
  • لو الأنسب لك تتكلم ساعة من 6 مساءا  الى 9 مساءا  – أطلب #2*312* – تكلفة الإشتراك 75 قرش
  • لو الأنسب لك تتكلم ساعة من 9 مساءا الى 12 مساءا – أطلب #3*312*  – تكلفة الإشتراك 75 قرش
  • ممكن تشترك فى أكثر من فترة – لكن سيخصموا منك جنيه عند طلب أى نمرة إتصالات فى أول فترة ثم 75 قرش فى كل فترة بعد الأولى
  • لو عايز تشترط طوال ال24 ساعة – أطلب  #4*312* – تكلفة الإشتراك 150 قرش – بس خد بالك كل فترة من الفترات الأربعة (00~15 – 15~18 – 18~21 – 21~00) حيحاسبوك عليها لوحدها – يعنى لو اتكلمت فى كل الأوقات حتدفع 3.25 جنيه فى اليوم (100+75+75+75) – تتكلم بيهم 5 ساعات – ساعتين فى الفترة الأولى وساعة فى كل من الفترات الثلاث الأخرى
  • لو رصيدك أقل من 75 قرش حتتحاسب بالدقيقة بالسعر العادى نظامك

نظام 14 قرش بجد + خدمة اكسترا بلس
أفضل نظام يوفر لك حتى الآن لو إشتركت فيه مع خدمة اكسترا بلس هو نظام 14″ دقيقة بجد” – لإنك بكدة ممكن تكلم كل نمر اتصالات ساعتين فى اليوم بجنيه واحد من 12 بالليل الى 3 العصر – وتكلم باقى النمر والأرضى طوال ال24 ساعة ب14 قرش للدقيقة

مع خدمة اكسترا بلس بقى اوفر لك بكتيييير انك تتصل باى حد اتصالات عن انك تطلبه على التليفون الآرضى – فلو طلبته على الآرضى لمدة ساعة من تليفونك الآرضى المكالمة ستكلفك 1 جنيه و82 قرش – بينما لو طلبته بالموبايل ساعتين كاملين ستكلفك 1 جنيه فقط
ولو عملت 40 مكالمة موبايل لناس نمرهم اتصالات – كل مكالمة مدتها فى المتوسط 3 دقائق – خلال ال15 ساعة – ستدفع 1 جنيه فقط فى هذا اليوم
بينما لو عملت نفس المكالمات من ارضى لأرضى ستدفع 4 جنيه و40 قرش (أول دقيقة ب5 قروش وكل دقيقة بعدها ب3 قروش)
هذا بخلاف إن تليفونك الأرضى بيحسب عليك إشتراك شهرى ثابت – لو قسمناها على المكالمات الشهرية ستصبح تكلفة الدقيقة أكثر من ذلك طبعا

والجميل فى نظام 14 قرش بجد إن بعد كل مكالمة ستجد رسالة على الشاشة توضح لك تكلفة المكالمة ورصيدك المتبقى
ومع خدمة اكسترا بلس – بعد اول مكالمة تجريها خلال ال15 ساعة ستلاحظ ان الرسالة تبلغك بخصم 1 جنيه وبرصيدك المتبقى – وبعد أول مكالمة:  كل مكالمة اتصالات تجريها خلال ال15 ساعة ستجد رسالة – ليس بالتكلفة وإنما بعدد الدقائق المتبقية لك من الساعتين المتاحين لك خلال ال15 ساعة – لإن باقى ال120 دقيقة يعتبروا دقائق مجانية تستخدمهم قبل الساعة 3 العصر-  وبكدة تبقى عارف ممكن تتصل أد ايه كمان ببلاش

على فكرة لاحظوا إن 120 دقيقة بجنيه – بينما من 3 العصر إجراء مكالمة واحدة  7 دقائق سيكلفك نفس المبلغ!

ياسلام لو كل المصريين بقى عندهم خطوط اتصالات – كدة محدش حيحتاج التليفون الأرضى خالص – وأقصى مبلغ ممكن ندفعه لمكالماتنا طوال الشهر حيبقى 30 جنيه (30 * 1 جنيه = 30) – يعنى 90 جنيه فى ال3 شهور – أرخص بكتير من فاتورة التليفون الأرضى
لكن للأسف معظم الناس لسة بتستخدم فودافون – وباقى الناس على موبينيل – أما مستخدمى اتصالات فهم فئة قليلة جدا جدا مش عارف ليه
لكن عموما – أى أسرة أو ناس مرتبطين ممكن يشتروا خطوط اتصالات ويتكلموا براحتهم ساعتين يوميا
وكمان ممكن خط واحد فى البيت تستخدمه الأسرة كلها فى إتصالاتها طوال 15 ساعة والتكلفة هى هى 1 جنيه فى اليوم

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

2 تعليقان

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *