رامى عصام يغنى لتوفيق عكاشة: يا عوكشة

رامى عصام عمل أغنية جديدة هذه المرة لتوفيق عكاشة – بصراحة عكاشة لا يستاهل إن الرائع عصام يغنى له – صحيح الأغنية مبهدلاه آخر حاجة – لكن برضه رامى أعطاه كدة شرف مايستاهلوش – عكشة؟ فى أغنية؟ وللا دخلت التاريخ ياعكشة…

أغنية ياعوكشة
كلمات: امجد القهوجى | غناء والحان: رامى عصام
| توزيع وهندسة صوت: طاهر صالح | جيتار: احمد مصطفى

متهزش لحم وشك … على الشاشة وبطل خرط
                  يا عوكشة
عاملى مذيع بقرشك … يا معرش حوش البط
                  يا عوكشة
آه يا عضو قصير جدا … من بين أعضاء اللجنه
                  يا عوكشة
على إيده البقرة هتدن … والديك راح يعمل جبنه
                  يا عوكشة
يا زعيم العباسية … دى اللى إتعرت برقبتك
                  يا عوكشة
راجل وحداها قضيه … إلبس كلسون دارى خيبتك
                  يا عوكشة

بتبلبع ايه يا عكاشه … دا مخلى حالتك حاله
يا مكلبظ قد الشاشة … لغدك عايز شيالة
بتبلبع ايه يا عكاشه … دا مخلى حالتك حاله
يا مكلبظ قد الشاشة … لغدك عايز شيالة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *