برمجة التسجيل فى ريسيفر الجوكر – طريقة سهلة ونتائج ممتازة


اﻷعضاء اﻷفاضل
(بالرغم من إن جهازى محول الى سوبر HD لكن أعتقد إن نفس الخطوات موجودة فى الجوكر اﻷصلى والتايجر)

ضبط التسجيل لبرامجك المفضلة مقدماً فى الجوكر يعتبر من أهم مزاياه
تستطيع بسهولة أن تحدد القناة ووقت بدء التسجيل ووقت نهايته وتستطيع كذلك أن تجعل الجوكر يغلق نفسه بعد إنتهاء التسجيل – ويتم كل ذلك وإنت مش موجود وسايب الجهاز مغلق كمان !
وهى طريقة مفيدة جداً لو برنامجك المفضل بيذاع وإنت فى الشغل أو الدراسة أو مشاوير
وهى مفيدة أيضاً لتسجيل كل حلقات برنامج أو مسلسل عايز تحتفظ بمكتبة لكل حلقاته سواءاً وإنت موجود أو نايم أو برة أو حتى مسافر

واﻵن اليكم الخطوات السهلة

  • ضع فﻻشتك فى الجوكر
  • وإنت واقف على قناتك المفضلة إضغط على زر Timer
  • إضغط الزر اﻷخضر ﻹضافة برمجة جديدة
  • أول خانة إتركها كما هى على Source TV إﻻ لو عايز تسجل من راديو غيرها الى Radio
  • ستجد إسم القناة مكتوب مسبقاً – لكن لو عايز ممكن تغيرها حسب الرغبة
  • ستجد تاريخ اليوم مكتوب مسبقاً – لكن لو عايز التسجيل يبدأ فى يوم مختلف أكتبه بأرقام الريموت
  • حدد توقيت بدء التسجيل – يفضل أن تحدده بدقيقة واحدة قبل ميعاد البث – يعنى لو البرنامج سيبدأ الساعة 10:00 أكتب 09:59 – ﻹعطاء فرصة اتجهيز الفﻻشة للتسجيل
  • حدد توقيت توقف التسجيل بنفس الطريقة السابقة
  • حدد عدد مرات التسجيل: مرة واحدة فقط أو كل يوم أو لمدة أسبوع فقط أو خمسة أيام العمل فقط أو فى يومين إجازة اﻷسبوع فقط
  • بدﻻً من No إجعلها Record: Yes
  • بدﻻً من No إجعلها STB Off: Yes
  • إضغط زر الريموت OK
  • اﻵن يمكنك غلق التليفزيون فلن يحتاجة الجوكر فى شئ أثناء التسجيل
  • كما يمكنك غلق الجوكر من زر الريموت اﻷحمر أو من زر الجهاز اﻷمامى – وليس من الخلف طبعاً – وتركه وهو سيقوم بكل الﻻزم لوحده – سيفتح نفسه فى الميعاد اللى حضرتك حددته ويسجل من القناة اللى حددتها له – حتى لو كنت قفلته على قناة تانية خالص – ثم سيغلق نفسه بعد إنتهاء المهمة – وسيكرر ذلك لكل البرمجات اﻷخرى ولكل يوم ضبطته أن يسجل فيه

يمكنك إضافة برمجة ﻷى عدد من القنوات والمواعيد واﻷيام – فقط قم فى كل مرة بالضغط على الزر اﻷخضر وكرر باقى الخطوات نفسها لكل ميعاد أو قناة مختلفة تريد التسجيل منها
وطبعاً ﻻ تنسى أن تضع فﻻشة فى الجوكر حتى يسجل لك عليها – ويكون بها مكان يكفى لطلباتك

  • الفﻻشة 1جيجا فاضية تكفى لتسجيل 40 دقيقة تقريباً
  • كل ساعة تسجيل تحتاج تقريباً الى 1.5 جيجا
  • لو موصل هارد ديسك 250 جيجا مثﻻً ممكن تسجل عليه حوالى 150 ساعة – بس أضبط توقيت بدء التسجيل قبل برامجك المفضلة ب3 أو 5 دقائق ﻹنه سيحتاج وقت أطول لتجهيز الهارد قبل التسجيل
  • التسجيل من قنوات HD يأخذ مساحات رهيبة – حوالى 4 أضعاف القنوات العادية

مع تحباتى
وأرجو أﻻ يستخدم أحد تلك المعلومات في تسجيل ما يغضب الله – بارك الله فيكم
فى أمان الله

4 تعليقات

    • ستحتاج الى USB wireless network adapter
      توجد ماركات كثيرة فى السوق مثل TP-Link و D-link والسعر فى حدود 70 او 80 جنيه
      لكن ﻻحظ إن الطريقة دى ستحرمك من إمكانية التسجيل من القنوات ﻹنك ستضع الوايرلس يو اس بى مكان الفلاشة
      لذلك فهو حل غير عملى – واﻷفضل توصيل النت بكابل – على فكرة الكابلات رخصت قوى وممكن تشترى كابل جاهز – مثلا كابل 30 متر ب 20 جنيه فقط من باب اللوق – وهناك جميع اﻷطوال من 3 ال 50 متر جاهزين بالجاكات ومتأرجين جاهزين

      هل عندك اى مشكلة فى توصيل الراوتر بالكابل؟ هل يوجد مكان فاضى؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *