نصائح للطلبة قبل تسجيل رغبات التنسيق

أعزائى طلبة الثانوية

* هااام بخصوص التنسيق وكتابة الرغبات *
كل سنة بتجيلى أسئلة كتير بعد نتيجة التنسيق من نوع:

  • كلية كذا أخدت مجموعي وعايز أحول لها … مكنتش كاتبها في الرغبات و (كنت فاكر إن مجموعي مش هيجيبها)
  • كلية كذا جاتلي بس أنا مكنتش عايزها … كنت بملأ بيها الرغبات كده وخلاص و (كنت فاكر إن مجموعي مش هيجيبها)
    ——————————
    المشكلة كلها في “كنت فاكر إن مجموعي مش هيجيبها” 🤔
    بتكون السبب إن كلية عايزها تفوتك … أو كلية مش عايزها تجيلك
    ——————————
    يا ريت يا شباب متحطوش نفسكم في المواقف دي .. ووفروا على نفسكم مرحلة التحويلات
    فرجاء :
  • بلاش تكتب رغباتك بناء على توقعات
  • اكتب الرغبات اللى انت عاوزها بغض النظر مجموعك يجيبها وللا لأ
  • عندك 60 رغبة اكتبهم بالترتيب اللي انت تتمناه – اللى عايزه اكتر حاجة اكتبه اول رغبة – اوعى تقول مش معقول مجموعى مش حيجيبها – وبعدها اكتب الرغبة التالية لك .. وهكذا – بغض النظر مجموعك احتمال يجيب إيه أو ميجيبش إيه ملكش دعوة
    حتى لو شايف إن أول 20 رغبة صعب ييجوا … والله مش هتخسر حاجة لما ميجوش وتجيلك الرغبة 21 عادي يعني 😃
    ——————————
    وبالنسبة لتعديل الرغبات تقدر تعدلها مليون مرة براحتك طالما مرحلتك لسة فاتحة – المهم انك تكون عارف ان قبل المرحلة ما تقفل تكون عملت التعديلات النهائية لك – كله حسب رغبتك انت وحسب اللى تتمنى دخوله مش حسب أى حاجة تانية – ولا تنسى ان مهم جدا تكتب اللى انت عاوزه فى الاول ومتكتبش ابداً حاجة فوقها انت مش عايزها – ورتب اولوياتك حسب الاهم فالمهم فالاقل اهمية بالنسبة لك وليس حسب مجموعك – لا تفكر فى مجموعك واعتبر كل الكليات المتاحة لمرحلتك متاحة لك – فاختار ما تحب الاول وليس ما تعتقد انه مناسب لمجموعك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *