مكرونة بصوص ابيض مع شرائح الديك الرومى

جربوا الاكلة دى – بجد خطيييرة – بالذات لو عندكوا عزومة او مناسبة خاصة – اكلة لذيذة بطريقة مش معقولة

المقادير

  •  ربع او نصف كيلو صدور فيليه رومى (حسب الميزانية)
  • بصلة متوسطة
  • ثمرة فلفل رومى صغيرة
  • معلقة كبيرة ثوم مهروس
  • 3 معالق كبيرة خل
  • معلقة كبيرة سمن بلدى
  • 3 كوب ماء
  • نصف كيلو حليب
  • معلقة صغيرة روز مارى مطحون
  • 3 معالق صغيرة ملح
  • معلقة صغيرة ملح صينى MSG
  • 5 ورقات لورا
  • 3 معالق كبيرة نشا + كوب ماء
  • كيلو مكرونة قلم
  • كوب بقدونس وكزبرة وشبت مخرطين

الطريقة

  • نقطع فيلية صدور الرومى شرائح صغيرة وهى مجمدة حتى يسهل تقطيعها
  • نقشر البصل والفلفل الرومى ونقطعهم فتافيت صغيرة
  • نضع الكل فى حلة على النار مع 3 اكواب ماء والخل والملح والتوابل
  • قبل البدء بالغليان نغطى الحلة على اقل نار ممكنة شمعة لمدة ساعة
  • نضيف الحليب
  • نقلب النشا فى كوب ماء بمعلقة صغيرة ثم نصبه فى الحلة مع التقليب بمضرب سلك يدوى
  • بعد ما يغلى نغطيه على نار هادية شمعة 5 دقائق اخرى
  • فى هذا الوقت نسلق المكرونة القلم فى ماء معلى لمدة 15 دقيق ثم نصفيها من الماء ونعيدها للحلة ثم نصب عليها الصوص الابيض ونقلب
  • قبل التقديم نرش عليها الخضرة المخرطة ونقلب ثم نقدمها دافئة

طبعاً كل ما تكون صدور فيليه الرومى كمية اكثر كل ما تبقى اطعم – لكن حتى لو اتعملت بربع كيلو فقط بتبقى طعمة برضه

وبالف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *