طريقة عمل برجر رومى لذيذ

برجر الديك الرومى طريقته سهلة جداً وممكن نعمله فى البيت بسهولة – وهى طريقة مناسبة للحم الديك الرومى لانه بياخد وقت فى السوا عن صدور الفراخ – لذلك فرمه مع البصل ثم ابقاؤه فى الثلاجة بضع ساعات بيسهل طهيه جيداً

المقادير

  • ربع كيلو صدور او وراك مخلية من العظم
  • بصلة متوسطة
  • 50جم ارز مطحون
  • معلقة صغيرة ملح وفلفل
  • معلقة صغيرة بهارات
  • ربع معلقة روز مارى مطحون

الطريقة

  • نقشر البصلة ونفرمها فى الكبة مع لحم الرومى والملح والبهارات
  • نطحن الارز ناشف فى مطحنة التوابل حتى يصبح ناعم
  • نعجن الكل مع بعض كويس
  • نتركه فى الثلاجة بضع ساعات
  • ندهن شواية حديد او طاسة تيفال بفرشة زيت ثم نضعها على نار متوسطة
  • ندهن ايدنا بفرشة زيت خفيف ونبدأ نشكل اقراص ونشويها فى الطاسة 5 دقائق على كل وجه
  • تقدم ساخنة مع كتشب ومستردة وحلقات طماطم وبصل وخس

وبالف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *