ناجتس فراخ او لحم اقتصادية موفرة بالبطاطس

تعالوا نعمل مع بعض ناجتس اقتصادية موفرة – تنفع بالفراخ او باللحمة المفرومة . الطريقة دي بتعمل كمية ناجتس كبيرة جدا . والاطفال بيحبوها قوي

  • ربع كيلو لحم مفروم او فراخ مخلية مفرومة
  • ربع كيلو بطاطس مسلوقة نصف ساعة فى ماء بقشرها
  • ثمن كيلو بصل مفروم مع عصير ليمونة (او معلقة كبيرة خل)
  • م ك نشا
  • بهارات كارى وملح وفلفل
  • بودرة ثوم

الطريقة

  • نقلب الكل مع بعض ثم نفردها على صينية مدهونة فرشة زيت وندهن وش العجينة كمان بفرشة الزيت وندخلها الفريزر ساعة تجمد شوية
  • نقطعها بالسكينة مربعات
  • ناخد مربع نعمله في كفنا كورة ونغمس كل كورة فى عجينة تحمير
  • ثم نغمس كل صباع فى بقسماط
  • نبطط الكورة في كف ايدنا علي شكل قرص او نبرمه علي شكل صباع زي ما نحب
  • نحمرهم فى زيت ساخن حتى يصبح لونهم ذهبى

وبالف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *