نجرسكو اقتصادية باللحمة المفرومة

مين مبيحبش النجرسكو ؟ أكلة خطيرة صح؟ – لكن للأسف اصبحت مكلفة جداً بعد غلاء الاسعار – ايه رأيكم نعمل المرة دى نجرسكو اقتصادية موفرة بدون فراخ وبدون حليب ؟ وبرضه طعمها جنان ..

المقادير فى 3 خطوات

الخطوة الاولى :

  • ثلث كيلو لحمة مفرومة (اختيارى)
  • 2 لتر ماء
  • 3 بصلات كبار مفروم خشن
  • 3 فلفل رومى مفروم خشن
  • 3 معالق كبيرة خل
  • نصف برطمان صلصة طماطم
  • معلقة صغيرة كبابة صينى مطحونة
  • معلقة صغيرة روزمارى مطحون
  • معلقة صغيرة ملح صينى MSG
  • معلقة صغيرة فلفل اسود
  • 3 معلقة صغيرة ملح

نسلق كل المقادير مع بعض على نار هادية (لو مش حنستخدم لحمة مفرومة ممكن نستبدل الماء او بعضه بشوربة لحمة او فراخ من اكلة سابقة)

الخطوة الثانية :

  • 250جم دقيق
  • 150جم سمن او زيت او خليط

نخلط الدقيق مع السمن والزيت ونقلبهم بمضرب سلك يدوى على نار هادية بضع دقائق لغاية ما الدقيق يبدأ يبقلل ولونه يصفر قليلا – ثم نضيف بالتدريج شوربة اللحمة المفرومة مع التقليب السريع حتى يصبح ناعم بدون كلاكيع – ثم نترك الخليط على النار لغاية ما يغلى ويصبح سميك ثم نقلب فيه اللحمة المفرومة

الخطوة الثالثة :

  • كيلو مكرونة قلم
  • خضرة مفرية (بقدونس وكزبرة وشبت)
  • زيتون مخلى مقطع

نسلق المكرونة فى ماء مغلى على نار عالية وبعد ما تستوى – 10-15 دقيقة) نصفيها من الماء فى مصفاة معدن فى الحوض بدون شطف – ثم نعيدها للحلة ونصب عليها البشاميل ونقلب الكل مع بعض
تقدم دافئة وتجمل الاطباق برش زيتون وخضرة مفرية على الوش
تقدم مع سلطة خضراء

بالهنا والشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *