كفتة باذنجان مشوى بانيه

الطريقة دى افضل من الباذنجان البانيه اللى بيحتاج يفضل فى الزيت مدة طويلة عشان يستوى فيكون شرب زيت كتير جدا – اما هنا فاحنا حنشوى الباذنجان الاول على شعلة البوتاجاز وبالتالى مش حيحتاج وقت خالص فى التحمير – والطعم يجنن :

المقادير

  • كيلو باذنجان رومى
  • بصلة صغيرة
  • 3 فصوص ثوم
  • كزبرة خضراء مفرية
  • 2 قرن فلفل اخضر حامى (اختيارى)
  • ملح وفلفل وكمون
  • بيضة
  • بقسماط مطحون

الطريقة

  • نشوى الباذنجان على شعلة البوتاجاز مباشرةً امدة 10 دقائق ( 5 دقائق على كل جانب)
  • نضعه فى حلة ونغطيها حتى يسهل نزع قشره
  • بعد ما يبرد نقشره ثم نضربه فى الكبة مع باقى المكونات ما عدا البقسماط
  • نقلب 3 معالق بقسماط مع الخليط عشان يتماسك – واذا كان لسة طرة نضعه ساعة فى الثلاجة بدون غطاء
  • نعمل كور نلفها فى ايدينا على شكل صوابع نغمسها فى طبق بقسماط ثم نبططها
  • نرص الكمية اللى حنعملها النهاردة فى طبق والباقى نرصه فى اطباق فويل – نضعهم فى اكياس للحفظ فى الفريزر جاهز لأى يوم آخر
  • نحمر البانيه المبطط فى قليل من الزيت الساخن (لازم يكون مبطط حتىلا نحتاج زيت كتير) فى طاسة تيفال على الوجهين حتى يصبح لونهم ذهبى
  • تقدم ساخنة مع طماطم مخللة

بالهنا وشفا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *