ازرع ثوم فى الماء واستخدم سيقانه كبديل للثوم

الثوم سعره غالى طول السنة – ماعدا الشهر اللى بيطلع فيه الثوم الجديد – ايه رأيكم نزرع ثوم بنفسنا فى البيت؟ دة سهل جدا ومش محتاج أى حاجة – ولا حتى اصيص ولا تربة – حنزرعه فى ماء – ونستمتع دائما بسيقانه الخضراء

معظم الناس متعرفش ان سيقان الثوم لها نفس طعم الثوم وانها ممكن تستخدم بدلا من الثوم فى أى وصفة أكل – خصوصاً لما تكون سيقان صغيرة زى اللى حنحصل عليها من زراعة الثوم فى البيت

طريقة زراعة الثوم فى البيت سهلة جدا :
نختار راس ثوم كبيرة يكون لها جذور فى اسفلها – ونزيل بعض القشر حتى تظهر لنا الفصوص – لا نفصل الفصوص عن بعض – نتركهم ماسكين فى بعض زى ما هما

وبعدين نغسل الجذور تحت الحنفية للتخلص من أى طينة عالقة – دون ان نبلل الفصوص – ونحط رأس الثوم واقف على جذوره فى طبق صغير به قليل من الماء بحيث لا يصل الماء للفصوص – ونتركه بضعة دقائق عشان الجذور الناشفة تطرى

نجيب زجاجة حاجة ساقعة 2 لتر فاضية ونقصها من تحت الرقبة بقليل – نستخدم الجزء العلوى مقلوباً مثل الطبق نضع فيه راس الثوم بحيث الحذور تتدلى من الرقبة – ثم نملأ الزجاجة بالماء ونضع فيها الرقبة مقلوبة وفيها راس الثوم – ونضبط مستوى الماء بحيث يصل الى الجذور دون ان يصل الى فصوص الثوم

نضع الزجاجة فى مكان مشمس

نغير الماء اذا لا حظنا انه قد بدأ يتعكر – لكن طالما الجذور فقط هى التى يصل الماء اليها فغالبا سيظل الماء صافيا ولا يحتاج تغيير

بعد كام يوم ستبدأ سيقان خضراء جميلة فى الظهور شكلها مثل سيقان البصل الاخضر – وستلاحظ ان السيقان تنمو وتعلو بسرعة خصوصا لو فى مكان مشمس طول النهار مثل بلكونة غربية او قبلية

يوميات ثوم افندى :

اليوم الاول 22-1-2017

 

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *