لبن كويس مش مغشوش

حليب الشركات اللى بيتباع فى علب ليس هو افضل حليب ممكن تشتريه كما يقال لك فى الاعلانات – أيا كانت ماركته – فقد تعرض فى مصانعهم لعمليات افقدته اغلب فوائده وقتلت انزيماته الطبيعية – دة غير انهم قبل ما يعبئوه بيكونوا خدوا منه معظم الخير اللى فيه

أفضل حليب هو الحليب الطبيعى البلدى الفلاحى – ودة ممكن نشتريه بواحد من الطرق التالية :

  • اما من الاسواق الشعبية حيث تأتى فلاحات من قرى مصر ومعهم خيرات الريف من الحليب والجبنة القريش والبيض البلدى والزبدة – لكن طبعا الغش هنا وارد من بعض ضعاف النفوس – عشان كدة لو عرفت فلاحة وجربت منها ووجدت ما تبيعه جيد ولا غش فيه فهذا كنز لا تفرط فيه – واظب على الشراء منها
  • او من باعة الحليب الذين يأتون بالحليب من الارياف ويمرون على الشقق لبيعه – اذا عرفت بياع امين منهم – من قرايبك او جيرانك ولقيتهم بيشكروا فيه – فهذا ايضاً كنز لا تفرط فيه
  • او من محلات الالبان – هنا برضه الغش وارد وخصوصاً ان المحلات دى بتعمل جبنة وزبادى وقشطة – يعنى وارد ان بعضهم ياخد خير الحليب قبل بيعه للناس – وهنا برضه التجربة خير دليل وكمان تجارب الاخرين من المعارف والجيران ممكن نستدل منها على محل البان موثوق فيه

اياً كان مصدر الالبان فوارد انه يكون مضاف اليه مادة حافظة – مادة الفورمالين مادة سامة وهى فى الاساس مادة كيماوية لحفظ الجثث – البعض يضع منها على الحليب حتى لا يفسد او يقطع – ياترى ازاى نعرف؟ الطريقة سهلة جداً

  • افتح علبة حليب – ضع قليل منها فى كوب
  • وفى كوب آخر ضع قليل من الحليب البلدى السايب بدون غليه (اشتريته من فلاحة او بياع حليب او محل البان)
  • اترك الكوبين فى المطبخ خارج الثلاجة
  • كل يوم افحص الكوبين – لو الحليب البلدى خالى من مادة الفورمالين حتلاقيه بعد يوم او يومين بدأ يتجمد ويتحول الى لبن رايب – وبعد يوم او يومين كمان حيفصل ويتحول الى جبنة وشرش
  • الحليب المعلب بعد يوم او يومين خارج الثلاجة لو بدأ يفسد يبقى خالى من الفورمالين – اما لو استمر اكثر من ذلك دون ان يفسد فهو مضاف اليه مادة حافظة ضارة جدا على المدى الطويل بصحة وصحة اسرتك
  • الحليب المعلب لن يتحول الى لبن رايب ولا جبنة ببساطة لأنه معالج حرارياً فى المصانع وبالتالى انزيمات الحليب الطبيعية ماتت – اما الحليب البلدى الطبيعى الغير مغلى فهو محتفظ بكل خيره وانزيماته الطبيعية الحية – لذلك يتحول الى زبادى/لبن رايب لوحده بدون اضافة أى خمائر ولا استخدام أى اجهزة

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *