زبادى ولبن رايب وجبنة طرية بطريقة طبيعية بدون اى شئ

Cream will separate on top and have bubbles. Almost ready to separateالحليب الطبيعى البلدى الفلاحى (او حليب الزريبة او اللى بيتباع فى محلات الالبان ذات السمعة الطيبة – لمناقشة ازاى نشترى لبن مضمون ونظيف ومش مغشوش اضغط هنا) ممكن نعمل منه أحلى جبنة ولبن رايب بطريقة طبيعية بدون استخدام اى اضافات او ادوات – لا تستخدم الحليب المبستر المعلب لانه سيفسد – اما الحليب الفلاحى ففيه بكتيريا طبيعية اذا تركناه خارج الثلاجة بدون غلى تبدا البكتيريا فى تحويل سكر الحليب (اللاكتوز) الى حمض اللبن مما يسبب تخثره فيصبح فى البداية لبن رايب واذا تركناه اكثر يصبح جبنة

الطريقة سهلة جدا : نضع الحليب الطازج (من غير ما نغليه) فى زجاجة او برطمان او حلة ونتركه على المطبخ من يوم الى ثلاثة – بعد يوم او يومين او ثلاثة حنلاقى الحليب اصبح تقيل/سميك – كدة بقى زبادى – لو بتحبه زبادى دة وقت وضعه فى الثلاجة – لو عايزين نشربه لبن رايب ننتظر يوم كمان عشان يبقى مزز ونعطى فرصة لانزيماته لتتكاثر اكثر ثم نرجه وبعدين نحطه فى الثلاجة – صحياً الاحسن اننا نتركه خارج الثلاجة ليزداد ثقلا وتتكاثر البكنيريا المفيدة فيه أكثر

Drained Clabberاما لو عايزين جبنة نتركه على المطبخ اكتر حنلاقى انه بدأ يفصل وحنلاقى سائل بدأ يظهر فى اسفل البرطمان تحت اللبن – هذا هو ما يسمى شرش وبيكون شفاف – نتركه يوم كمان ثم نصبهم فى صفاية او شاشة تحتها وعاء – الشرش حيتصفى فى الوعاء – والجبنة حتفضل فى الشاشة او الصفاية – نرش على الجبنة شوية ملح ونتركها تتصفى بضع ساعات كمان او ليلة لو عايزينها جبنة ناشفة – اما لو بنحبها تكون جبنة طرية ننقلها بعد ما نصفيها لمدة ربع ساعة بس ونحطها فى علبة فى الثلاجة وناكل احلى جبنة – نقدر نعملها جبنة بورسان فرنسية Boursin باننا نقلب فيها ثوم مهروس وشوية ملح وفلفل وبقدونس وعيدان بصل اخضر مفرومين – او ملح وفلفل – صدقونى مش حتشتروا جبنة من السوبرماركت تانى!

لعمل جبنة بورسان تحفة بمنتهى السهولة اضغط هنا

الجبنة الطرية بالطريقة دى تكلفتها = سعر لتر الحليب × 4 لإن الاربعة كيلو حليب بيطلع منهم كيلو جبنة طرية

والجبنة الناشفة تكلفتها = سعر لتر الحليب × 5

وماننساش كمان ان الجبنة بتاعتنا مش هى بس اللى بتطلع من الحليب – لأ دة الشرش بتاعها لذيذ جدا ومغذى وكله فيتامينات وكالسيوم – وطويل العمر : ممكن نحفظه فى زجاجات بالثلاجة لمدة 6 شهور

اوعوا ترموا الشرش – دة مفيد جدا وكله كالسيوم – ممكن نشربه طعمه مزز شوية ولذيذ جداً – انا باسخنه واشربه كالحليب بدون اى اضافات

كدة نكون استفدنا من الحليب 100% – وبالف هنا وشفا

المراجع:

http://www.thekitchn.com/word-of-mouth-clabber-73245

اضغط هنا

http://thenourishingcook.com/what-is-clabbered-milk/

http://blog.culturesforhealth.com/ancestral-fermentation-clabbered-raw-milk/

10 فوائد للحليب الخام

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *