طريقة التعامل مع اعلانات Adyou.me

أعزائى القراء وزائرى موقع my2cents

لعلكم لاحظتم الصفحة الاعلانية التى تظهر لحضراتكم عند الضغط روابط موقع my2cents – ذلك لأننى تعاقدت مؤخراً مع شركة Adyou.me الاعلانية وهذا هو سبب ظهور صفحة الاعلانات لحضراتكم

فى الحقيقة ان دخلى من الاعلانات دى حيساهم فى دفع نفقات الموقع – ومخبيش عليكوا حيساهم فى دخلى الشهرى – لكن فى نفس الوقت انا خايف تكون الاعلانات دى قد سببت ضيق لكم – واخشي ان تزعج قرائي الاعزاء فأخسرهم اذا ما قرروا لا سمح الله عدم العودة للموقع

فياريت تساعدونى لمعرفة رأيكم فى هذا الأمر – هل يمكنكم تحمل رؤية صفحة الاعلانات دى أم انها مضايقاكوا كتير؟

رأيكم يهمني جدا فياريت اعرفه من فضلكم – ربنا يبارك فيكم

وفى تفس الوقت حاشرح لكم هنا طريقة التعامل مع هذه الاعلانات :

عند الضغط على رابط من  روابط موقع my2cents ستفتح لك صفحة adyou.me الاعلانية – ستلاحظ أعلى الصفحة على اليمين زرار أصفر بيقول لك Please Wait –  شكل الصفحة كالتالى :

شايف الزر الأصفر فوق اللى مكتوب عليه Please Wait انتظر 5 ثوانى لعاية العداد ما يعدهم

كل ما عليك هو الانتظار 5 ثوانى – الزرار حتلاقيه بقى عداد بيعد الثوانى الخمسة – ولما يخلصوا حتلاقيه بقى مكتوب عليه Skip Ad – دوس عليه دلوقتى عشان تروح للرابط اللى كنت عاوزه

دلوقتى اضغط على الزر الاصفر Skip Ad

لكن احياناً لما تضغط على زر Skip Ad تتفتح لك صفحة متصفح جديدة فيها موقع اعلانى مختلف – لكن فى نفس الوقت الرابط اللى انت عاوزه بيكون موجود بس صفحة الاعلان غطت عليه – ودة بيلخبط ناس كتير للأسف – والحل بسيط : إغلق صفحة الاعلانات حتلاقى صفحة الرابط بتاعك تظهر لك

ياريت اكون افدتكم وقللت من ازعاج الاعلانات لكم – واشكركم جدا على تفهمكم لضرورة الاعلانات بالنسبة للموقع وبالنسبة لى

بارك الله فيكم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *