ملء خانات صفحات الانترنت تلقائياً

اذا كنت زهقت من ملئ بياناتك على صفحات الانترنت اللى بتطلب كل مرة بيانات كتير تملاها – فعندى ليك حل جميل – الحل دة ينفع بالذات فى صفحات زى مثلا صفحة متابعة غياب الطالب اللى عاملاها وزارة التربية والتعليم لاولياء الامور عشان يعرفوا ولادهم غابوا كام يوم اولا باول كل يوم طوال العام الدراسى – الصفحة دى بتطلب ادخال بيانات كتير لازم فى كل مرة تكتبها بنفسك:
اضغط هنا <<

وكمان الصفحة معمولة بغباء – يعنى طالبين منك تدخل 4 خانات: الرقم القومى وسنة الميلاد والشهر واليوم – مع ان كل دة واضح من الرقم القومى نفسه – دة غير خانتين لاسم المحافظة والنوع ذكر ام انثى!

مثل تلك البيانات السخيفة ستضطر لملئها كل مرة – الا اذا استخدمت الحل التالى (اذا كنت من مستخدمى جوجل كروم):

  • اضف الاضافة التالية لمتصفح جوجل كروم
    https://chrome.google.com/webstore/detail/autofill/nlmmgnhgdeffjkdckmikfpnddkbbfkkk
  • ادخل على أى صفحة تطلب ملئ بيانات – وبعد ان تدخل كل بياناتك: اضغط فى متصفحك فوق على اليمين على علامة autofill الصفراء 
  • اضغط على كلمة Profile ثم New واكتب اى اسم للبروفايل اللى حتحفظ فيه البيانات دى
  • اضغط على Generate Auto Rules
  • حتلاقيه كتب لك Done – كدة خلاص – فى اى وقت تفتح الصفحة حتلاقى كل بياناتك واختياراتك مكتوبة جاهزة او متعلم عليها بالفعل – وكدة تقدر تكمل حياتك عادى

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *