شاورما اقتصادية

سندوتشات الشاورمة بقت غالية والاسعار نار . لكن انا باعمل شاورمة موفرة ولذيذة وسهلة جدا . جربوها مرة وان شاء الله حتبقي من اكلاتكم المفضلة

المقادير

  • نصف كيلو لحم مفروم برازيلي
  • ٤ بصل متوسط
  • ٤ فلفل رومي كبير
  • ٥ طماطم 🍅 كبير
  • نصف كوب خل
  • ٢ معلقة صغيرة قرفة
  • معلقة صغيرة فلفل اسود
  • معلقة صغيرة جنزبيل
  • معلقة صغيرة كبابة صيني
  • ٢ معلقة صغيرة ملح
  • معلقة صغيرة شطة (اختياري)
  • ٣ معلقة كبيرة طحينة خام
  • حزمة بقدونس

وللسندوتشات

  • عيش فينو او كايزر او بلدي او شامي
  • طماطم 🍅 مقطعة اصابع او حلقات

الطريقة

  • نقشر البصل ونقطعه ارباع ونضربه نبضات في الكبة ليصبح فتافيت لكن مش عصير . ونكرر نفس الشئ مع الفلفل الرومي ثم الطماطم . كل منهم نضربه لوحده
  • نضع اللحمة المفرومة لوحدها في حلة علي نار هادية جدا شمعة مع التقليب بضع دقائق حتي يتغير لونها من احمر الي بني
  • نضع البصل والفلفل الرومي والطماطم مع اللحمة والتوابل والخل ونقلبهم ونغطيهم علي اقل نار شمعة لمدة ساعة
  • نخرط البقدونس وبعد ما نطفي النار نقلبه في اللحمة هو الطحينة
  • لو مش بناكل نشويات نقطع طماطم 🍅 حلقات نضع عليها طبقة من الشاورما كأنها عيش
  • لو حنعمل سندوتشات نرص صوابع طماطم في العيش الفينو ثم نضع الشاورمة عليهم
  • وممكن نغمسها بالعيش البلدي او الشامي مع حلقات طماطم وخيار مخلل

والف هنا وشفا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *