سندوتشات عجة وبطاطس للمدرسة

اطفالنا يحتاجون تغذية سليمة – والام تحتاج طرق سهلة لتحضير سندوتشات سريعة للمدرسة – والوقت صباحا يكون ضيق – لذلك اقدم لكم هنا صنفين مناسبين للمدارس يمكن تحضيرهم مسبقاً لتوفير الوقت: سندوتشات عجة وسندوتشات بطاطس بيوريه متبلة – اصناف لذيذة ومغذية لاطفالك ولكل افراد الاسرة – حنعمل عجة وبطاطس متبلة يمكن حفظهم فى الثلاجة لاستخدامهم طوال الاسبوع الدراسى

أولاً: سندوتشات عجة

المقادير:

  • معلقتين زيت للتحمير
  • 1 بصلة كبيرة
  • 2 فلفل اخضر
  • 1 حبة طماطم كبيرة
  • حزمة كزبرة خضراء مفرية (او بقدونس او شبت او خليط منهم)
  • 6 بيضات
  • نصف كوب حليب
  • نصف كوب دقيق
  • ملعقة صغيرة بيكنج بودر
  • ملح وفلفل أسود وكمون
  • خبز

الطريقة:

  • نخرط كل من البصل والفلفل الرومى والطماطم قطع صغيرة فى اطباق منفصلة
  • نضع الزيت فى طاسة على النار ونشوح فيه البصل حتى يذبل
  • نضيف الفلفل الاخضر المقطع مكعبات صغيرة ونقلب دقيقتين ثم مكعبات الطماطم ونقلب ايضا حتى تذبل دقيقتين
  • نضيف ملح وفلفل اسود وكمون ونقلب
  • بعد اطفاء النار نضيف الكزبرة الخضرة ونقلب
  • فى وعاء كبير نضرب البيض بمضرب يدوى ونضيف له نصف كوب لبن ونصف كوب دقيق وبيكنج بودر ونقلبهم مع بعض كويس حتى يذوب الدقيق تماما
  • نصب عليهم خلطة الخضروات ونقلب جيدا
  • ندهن صينية فرن بقليل من الزيت ثم نصب العجة فيها – اذا كانت الصينية صغيرة نستخدم صينيتين – عايزين العجة تبقى رفيعة وليست سميكة – ثم نضع الصينية على الرف العلوى للفرن على 180 درجة حتى يحمر وشها
  • نخرجها من الفرن ونتركها حتى تبرد
  • نقطعها صوابع بطول العيش الفينو ونحفظها فى علبة بالثلاجة – او مستطيلات بحجم مناسب اذا كان العيش شامى او بلدى او توست
  • يمكن ان نحضر السندوتشات من بالليل ونحفظهم فى اكياس فى الثلاجة – ثم فى الصباح نضعهم جاهزين فى شنط اطفالنا
  • وبالف هنا وشفا

ثانياً: سندوتشات بطاطس بيوريه متبلة

وصفة أخرى سهلة جداً – ولذيذة ومغذية لاحتوائها على عناصر متنوعة صحية لاطفالك

المقادير:

  • كيلو بطاطس
  • نصف لتر حليب
  • ملح وفلفل أسود
  • حزمة كزبرة خضراء مفرية (او بقدونس او شبت او خليط منهم)
  • خبز

الطريقة:

  • نغسل البطاطس جيدا ونقشرها ونقطعها مكعبات ونسلقها فى الحليب 10 دقائق
  • نضيف للبطاطس ملح وفلفل اسود ونقلبهم – ثم نهرسها بالهراسة وهى سخنة
  • نضيف الكزبرة الخضرة ونقلب الكل جيداً حتى يصبح الخليط متجانس
  • بعد ان تبرد نحفظها فى علبة بالثلاجة
  • نفردها بسكين عريض فى سندوتشات فينو او شامى او بلدى
  • يمكن تحضير السندوتشات من بالليل وحفظهم فى اكياس فى الثلاجة – ثم فى الصباح نضعهم جاهزين فى شنط اطفالنا
  • وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *