خروف العيد ب540 جنيه فقط

كل سنة باشترى خروف العيد ب 60 دولار فقط – اى ما يوازى 540 جنيه مصرى – بينما الخروف فى مصر بحوالى 3000 جنيه

انا باشتريه اونلاين من خلال منظمة الاغاثة الاسلامية – يعنى بتدفع لها ثمن الخروف والمنظمة بتشتريهولك من اسواق الغنم بالدول الفقيرة مثل بنجلاديش وتشاد واثيوبيا والهند وكينيا وملاوى ومالى والنيجر وسيريلانكا وزيمبابوى وتدبحه باسمك فى عيد الاضحى وتوزع لحومه هناك على الفقراء

نفسى افهم حاجة زى بنك الطعام المصرى ليه صك الاضحية بتاعهم بثلاثة اضعاف ثمنه فى منظمة الاغاثة الاسلامية – مع انهم هما الاثنين بيشتروا ويدبحوا الخرفانفى الهند اللى الخرفان فيها رخيصة جدا – ثمن الخروف فى مصر يجيب 6 خرفان فى الهند

نصيحتى للى عاوز يضحى بدون ما يدفع دم قلبه انه يتعامل مع منظمة الاغاثة الاسلامية ويشترى اضحيته كل سنة اونلاين – وكل عام وانتم بخير

unnamed-1

2 تعليقان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *