شيت اكسيل لجرد وارباح سوبرماركت

طلب منى قارئ فاضل ان اصمم له جدول اكسيل لإدارة سوبر ماركت وحساب الجرد والربح الشهرى

الشيت مصمم ل200 صنف اسماؤهم متروكة ليملأها صاحب السوبرماركت بنفسه ويتم ادخال عدد القطع الواردة فى اى من ايام الشهر – وتوجد صفحة للجرد الشهرى لكل صنف – كما توجد صفحة لاحتساب الربح الشهرى بعد خصم التكاليف الشهرية من مرتبات وايجار وكهرباء وخلافه

بعد تنزيل الشيت افتحه ستجده مكن من 3 شيتات – ابدأ بكتابة اسماء الاصناف من فضلك فى الشيت الاول فقط – بعد ذلك قم بعمل نسخة منه لاستخدام الشهر – واحتفظ بالملف الاصلى لتعمل منه نسخة جديدة كل شهر باذن الله

ولا تنسى ان تنقل المتبقى من كل صنف – بعد الجرد – فى ملف الشهر الجديد

لتنزيل الملف اضغط هنا:  جرد ربع سنوى سوبر ماركت

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

12 تعليق

  1. الجدول أكثر من رائع ويوجد بعض الملاحظات.

    1-بعض الخلايا بها تأمين فهل ينفع تشيل كل التأمين من على كل الخلايا لكي يمكنني التعديل.
    2- يرجي الاخذ في الاعتبار الايراد اليومي للمحل.
    3- الربح يكون مخصوم منه الديون التي لم تسدد بعد.
    4- عدد العمال 2 أو3

    وشكرا جزيلا بصراحه لم أتوقع أن يكون الشيت بالحلاوة والجمال ده.

    • الخلايا المؤمنة دى لمصلحتك لانها إما خلايا حسابية بها معادلات لوكتبت فيها تتوقف عن الحساب – او خلايا يتم ملئها آليا بفعل خلايا اخرى وبرضه كتابتك فيها يوقف الالية دى – فمثلا اسم كل صنف وتكلفته وسعر بيعه – والمتبقى من كل صنف فى الجرد الشهرى – بتملاها انت فى اول شيت فقط تسهيلا عليك فتظهر فى باقى الشيتات بدل ما تكتبهم كل مرة
      لكن لو عايز تعمل اى تعديل ومتمكن من اكسيل انا مش عامل باسورد – تقدر تعمل لأى شيت unproect وتعدل اللى انت عاوزه – ولو انى لا انصح بذلك – وربنا يستر

      لم تذكر لى فى طلبك انك عايز الايراد اليومى – ثم ان الايراد اليومى يتطلب عمل جرد يومى انت طلبت فقط جرد شهرى – فهل حتعمل جرد يومى لكل صنف فى المحل؟
      عدد العمال عند مكان ل3 عمال بالاضافة ل10 خانات مصاريف شهرية ممكن تستخدمها لو احتجت
      بالنسبة للديون كنت سألتك ولم يصلنى رد

      لازم حضرتك تعرف انى لما ابدأ فى تصميم شيت وانا عارف كل النقاط المطلوبة بيبقى سهل – مهما كان عدد طلباتك – اما طلب اى تعديل بعد التنفيذ فبيبقى صعب جدا – عشان كدة باترجى الناس تكتب لى كل التفاصيل الدقيقة من الاول

    • انا حطيت لك ملف ربع سنوى بدل الشهرى – السنوى حيبقى فيه 36 شيت وممكن تتلخبط وتكتب فى ملف غلط – كل اللى عليك انك تنسخ نسخة من الملف الاول كل 3 شهور بعد ما تكون مليت خانات اسم الصنف وتكلفته وسعر بيعه بدلا من كتابتهم تانى كل 3 شهور – ولو اى اسعار اتعدلت غيرها فقط فى اول شيت من الشيتات التسعة المنسوخة – وخد نسخة منه لاستخدامها فى ربع السنة التالى بدل من الشيت الاول عشان الاسعار المعدلة – وهكذا – ولاتنسى كل مرة تعمل نسخة قبل استخدام الشيت

  2. الايراد يومي لكن الجرد شهري
    الايراد يتعمل له خانه لكل يوم واخر الشهر خانه تجمع باقي الأيام

    في واردات الاصناف ممكن نزود خانة للمرتجع وتخصم تلقائيا من المجموع

    أنا كويس شويه في الاكسل وللاسف معنديش تصور كامل لموضوع السوبر ماركت لاني جديد في المحال فعشان كده التفاصيل بتظهر معايا واحده واحده بس على حضرتك التصميم الأول وأنا هكمل إن شاء الله

    للمره الثانيه مش عارف أشكرك إزاي والله

  3. ممكن نخلي كل حاجه في صفحه واحده
    1-أصناف واردة.
    2-جرد الأصناف.
    3-إيراد يومي (30)يوم.
    4-فلوس بضاعه خارجه كل يوم لمدة (30) يوم.
    5- صافي الربح بعد خصم المصاريف.

    ونقلل الأصناف ل100 عشان الصفحة متبقاش كبيرة
    كل ده في صفحة واحة ونكررها 12 مره لعدد الشهور ويبقي الشيت سنوي إيه رأي حضرتك؟

  4. أنا أقصد نعد الفلوس يدوي ونحط الرقم في شيت الاكسل نعمل 30 خانه يبقى معايا الشهر كله

    مش قصدي الربح اليومي لا أقصد الناس اشترت حاجات اخر اليوم الدرج ببكون فيه مثلا 100 جنيه نقيدهم في الشيت يون بيوم وهكذا

  5. حضرتك أنا أخذت النموذج بتاعك وحطيت الجداول كلها في ورقة واحدة
    وعملتها 12 ورقة يبقى فيها الجرد السنوي والربح الثانوي كله
    مع العلم إنه تحت التعديل

    حقيقة أنا شاكر لحضرتك جدا لإنك رسمت لي الطريق اللي همشي عليه
    شكرا جزيلا جدا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *