فراخ محشية مشوية ومكرونة محمرة وسلطة

حنعمل مع بعض احلى فراخ محشية بالبصل ومشوية فى الفرن مع احلى مكرونة محمرة – أكلة ملهاش حل لجميع افراد الاسرة

مقادير الفرخة

  • فرخة
  • 3 بصلات كبار
  • طماطماية
  • فلفلاية رومى
  • معلقة صغيرة ثوم مهروس
  • قرن فلفل حامى (اختيارى)
  • معلقة صغيرة ملح
  • معلقة صغيرة كبابة صينى او فلفل اسود

الطريقة

  • فى اليوم السابق للطبخ نقشر البصل ونضربه مع الخل وكل المكونات الاخرى فى الخلاط
  • نغسل الفرخة بالماء فقط ثم نقطعها 6 قطع (نقطع كل جناح مع جزء من صدر الفرخة)
  • نمسك كل قطعة فراخ ونبدأ نفتح برفق ما بين الجلد واللحمباصبعنا ثم نحشى الفتحة بخلطة البصل
  • نرص قطع الفراخ فى طبق عميق وندهنهم من تحت وفوق بخلطة البصل
  • نغطى الطبق ببلاستيك ونتركه فى الثلاجة لليوم التالى
  • قبل التقديم بساعة نخرج الطبق من الثلاجة ونرص قطع الفراخ وعليها البصل فى صينية فرن
  • نضع الصينية فى الفرن على درجة 200 مئوية لمدة ساعة
  • نزيل البصل من على وش الفراخ بفرشة ثم نضع الصينية تحت الشواية العلوية لمدة 10-15 دقيقة حتى تحمر ويصبح لونها ذهبى
  • نصفى بهريز الفرخة والبصل ونحتفظ بهم لا ضافتهم مع المكرونة

مقادير المكرونة

  • 2 كيس مكرونة مرمرية او حلقات او قواقع 700جم
  • 3 معالق كبار سمن او زيت
  • 5 حبات طماطم
  • بصلة
  • معلقتين كبار خل
  • معلقة صغيرة ثوم مهروس
  • معلقة كبيرة صلصة طماطم
  • 2 معلقة صغيرة ملح
  • معلقة صغيرة كبابة صينى او فلفل اسود

الطريقة

  • نضرب الطماطم والبصلة والثوم والفلفل والخل والصلصة والتوابل فى الخلاط
  • نحمر المكرونة فى الزيت فى حلة تيفال مع التقليب المستمر حتى يحمر لونها
  • نصب عصير الطماطم على المكرونة ونصب ايضا بهريز الفرخة المشوية والبصل المتبقى من صينية الفرن – ونكمل بماء حتى تتغطى المكرونة بحوالى 2سم ونقلب الكل
  • عندما تصل المكرونة للغليان وتبقلل نخفض النار اقل حاجة مثل الشمعة ونغطى الحلة 20 دقيقة
  • نطفى النار ونترك المكرونة مغطاة 10 دقائق اخرى ليكتمل سواها
  • تقدم ساخنة ونرش فوقها سلطة خضراء (طماطم وبصل وخيار وبقدونس او كزبرة خضراء وخل)

مقادير السلطة

  • 4 طماطمايات
  • بصلة
  • خيارة
  • 3 اعواد بقدونس او كزبرة خضراء
  • معلقة كبيرة خل
  • لا نستخدم ملح ولا أى توابل

الطريقة

  • نقطع الطماطم والخيار والبصل مكعبات صغيرة
  • نخرط  ورق الخضرة بدون الاعواد
  • نخلط الكل فى طبق عميق مع الخل ونغطيه فى الثلاجة لحين الاستخدام – يصلح لعدة أيام

وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *