مصابيب سهلة وسريعة

المصابيب فطائر مثل الكريب جاء اسمها من كلمة “صب” لان عجينتها سائلة وبنصبها فى الطاسة كما هى بدون فردها ولا أى شئ

المقادير

  • 500جم دقيق حبة القمح الكاملة (او 430جم دقيق + 70جم ردة)
  • 650جم ماء
  • معلقة صغيرة خميرة فورية

الطريقة

  • نقلب الدقيق والردة والخميرة جيدا ثم نضيف الماء ونقلبهم كويس
  • نغطى العجينة ونتركها على المطبخ 4 ساعات او حتى نجد وشها كله فقاعات صغيرة
  • نسخن طاسة واسعة وندهنها بمنديل ورق به نقط زيت ثم نصب فيها مقدار من العجينة السائلة – حنلاقيها بتتفرش لوحدها وتشكل دائرة بدون تدخل منا (اذا كانت العجينة تخينة ومش بتتفرش لوحدها نمسك الطاسة ونميلها على اجنابها عشان نساعج العجينى تتفرد فى كل الصينية – ونزود بعض الماء للعجينة عشان تبقى اطرى)
  • بمجرد وضع العجينة وهى لسة نية نضع عليها أى خلطة بنحبها – لحمة مفرومة متعصجة – فلفل رومى و طماطم مقطعة – زيتون حلقات – قطع سوسيس او سجق – وممكن نرش على العجينة فى الاول جبنة شيدر او جودة او رومى مبشورة او فتافيت جبنة بيضاء قبل الاضافات السابقة – المهم ان نضع كل الاضافات بعد صب العجينة مباشرةً عشان تمسك فى العجينة وهى لسة طرية (فنقدر نقلبها على ظهرها بعد كدة) – ونضغط قليلا على الاضافات عشان تمسك فى العجينة
  • نقلب المصبوبة على ظهرها لتستوى من الناحية الاخرى ونضغط خفيف عليها بالسباتيولا عشان تلامس سطح الطاسة وتحمر

اترككم مع الفيديو وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *