خلطة لحمة مشوية

دى طريقة جديدة وسهلة جدا حنحصل بيها على طعم كفتة الحاتى من غير تعب عمايل الكفتة

المقادير

  • نصف كيلو لحم مفروم
  • نصف كيلو بصل
  • 3 حبات فلفل رومى أخضر
  • قرن فلفل حامى اخضر
  • ذرة قرفة
  • معلقة صغيرة كبابة صينى
  • معلقة صغيرة ملح

الطريقة

  • نضع اللحمة المفرومة فى حلة بدون ماء على نار عالية مع التقليب لحد ما تتلسع من القعر – نحك القعر ونستمر فى التقليب
  • نفرم البصل والفلفل فى الكبة ثم نقلبه فى حلة اللحم ونستمر فى التقليب على نار عالية
  • بعد ما البصل يحمر نغطى الحلة على نار هادية ربع ساعة
  • نرفع الغطاء ونتركها على النار حتى تجف تماما من أى سوائل
  • نستمر فى التقليب حتى تتلسع ثم نحك القعر ونستمر فى التقليب كل فترة
  • فى النهاية نضع القرفة والملح والكبابة الصينى ونقلب دقيقة ثم نطفى النار
  • تقدم ساخنة – اما كخلطة فوق الارز مع سلطة خضراء او فى سندوتشات مع سلطة طحينة

وبالف هنا وشفا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *